Wezareta karên hundir bêyî ku li benda biryara dadgehê bisekine, bi îdiaya ‘Propagandaya rêxistinê kirine’ hevşaredarên HDP’ê yên Gimgim, Kop û bajoraka Lîzê ji peywirê girtin
Hevşaredarên Partiya Demokratîk a Gelan (HDP) ên navçeya Kop, Gimgim û bajaroka Lîzê yên Mûşê duh ji hêla polîsên dewleta tirk ve hatin binçavkirin.
Hevşaredara Şaredariya Gumgumê Ulku Karaaslan, hevşaredarê Şaredariya Kopê Adnan Topçu û hevşaredarê Şaredariya Lîzê Dilaver Keskîn piştî ku hatin binçavkirin, wezareta karên hundir bêyî ku li benda biryara dadgehê bisekine, hevşaredar ji peywirê girtin. Hat zanîn ku wezaretê bi îdiaya ‘Propagandaya rêxistinê kirine’ hevşaredar ji peywirê girtine.
Wezareta Karên Hundir duh jî hevşaredarê CHP’ê yê Şaredariya Urlayê Îbrahim Burak Oguz bi îdiaya ‘Endamê FETO’yê ye’ ji peywirê girtibû.
