Li şûna Hevşaredarên Qoser û Stewrê yên bi hinceta bi KHK’ê ji kar hatine avêtin mezbetaya wan nehat dayîn, hevşaredarên hatin hilbijartin diyar bûn
Hevşaredarên navçeyên Qoser û Stewrê yên Mêrdînê Yasîn Kalkan û Salîh Kuday ên Partiya Demokratîk a Gelan HDP’ê di hilbijartina xwecihî ya 31’ê adarê de hatin hilbijartin. Lê ji ber ku her du hevşaredar bi Biryarnameya Hukmê Qanûnê (KHK) ji kar hatibûn îxrackirin, mezbeteya wan nedan wan. HDP’ê di hilbijartina kir de, hevşaredarên Qoser û Stewrê yên nû diyar kirin.
Li gorî vê Zeynî Îpek dê bi Nîlûfer Elîk Yılmaz re erka xwe ya hevşarederiya Qoserê bi cih bîne.
Li şûna Yasîn Kalkan jî Mahsûn Denktaş ji bo hevşaredariya Stewrê hat hilbijartin. Denktaş, dê bi Gulîstan Oncu re peywira xwe ya hevşaredariya Stewrê bi cih bîne. MÊRDÎN
