Heyeta KCD û DBP’ê bi şîara ‘Em li dijî faşîzmê xwe rêxistin dikin’ hevdîtin û civînên xwe yên li Mêrsînê didomîne.
Heyeta ku Hevserokê KCD’ê Berdan Ozturk û Hevseroka DBP’ê Salîha Aydenîz di nav de ye, li Tarsûsê bi serdana malbatan dest bi hevdînan kir. Heyet piştre li Nûnertiya HDP’ê ya li Barbarosê bi gel re rûnişt.
Di civînê de Hevserokê KCD’ê Berdan Ozturk qala tecrîda li ser Rêberê Gelê Kurd Abdullah Ocalan, grevên birçîbûnê yên li girtîgehan û doza girtina HDP’ê kir û wiha got: “6 sal in li ser HDP’ê polîtîkayên zextan heye. Ev zext li kîjan partiyê bihata kirin dê toza wê partiyê jî nemaya. Tişta ku HDP’ê li ser pêyan dihêle îradeya gel. Ji dêvila ku hûn ê HDP’ê bigirin, Îmraliyê bigirin.”
Hevserokê DBP’ê Salîha Aydenîz jî diyar kir ku divê li hemberî rejîma AKP û MHP’ê rêxistin were xurtkirin û ev tişt anî ziman: “Ev pergal kurdan tune dihesibîne. Li vî welatî 25 milyon kurd hene. Em dixwazin li ser vê axê bi ziman û çanda xwe bijîn. Ev daxwazên me nayên qebûlkirin lê em ê bi têkoşîna xwe mafên xwe bistînin. Li Lozanê hesabê kurdan nekirin lê îro divê hesabê kurdan were kirin. Desthilatdarî nikare HDP’ê bigire, heke bigire jî hin bijartekên me hene. Em ji her tiştî re amade ne.” MÊRSÎN
