Endamên Şandeya Aştiyê ya Navnetewî ku li beramberî hemû astengiyan karîbûn xwe bigihînin Hewlêrê, îro li Otêla Blu Mêrkurî ya Hewlêrê daxuyanî da çapemeniyê.
Di daxuyaniyê de kampanyaya dijî dagirkeriyê hat îlankirin û banga tevlibûna kampanyayê hat kirin. Endamên şandeyê diyar kirin ku dê di çarçoveya kampanyayê de serdana herêmên ku dewleta tirk dagir û wêran kirine, gundên hatine valakirin û gundiyên ku ji ber êrîşan zirer dîtine, bikin. Di encama serdan, hevdîtin û lêkolînan de jî dê rapor werin amadekirin.
Piştî daxuyaniyê endamên şandeyê bi armanca şermezarkirina astengiyan, derketin ber deriyê otêlê lê ji aliyê asayişê ve hatin astengkirin. Li ser vê yekê endamên şandeyê dest bi çalakiya rûniştinê kirin. Di vê navberê de endamên çapemeniyê xwestin nêrîna şandeyê bigirin lê hêzên PDK’ê dor li rojnameger û çalakvanan girt û asteng kirin.
Endamên heyetê astengiya PDK’ê bi dirûşmeyan şermezar dikin. HEWLÊR
