Heyetê ciwanan ê Îdareyê Xoserî yê Rojawanî seba pêvînayîşan şi Bremen û Unîversîteya Bremenî û Parlamentoyê Eyaletî de pêvînayîşî kerdî.
Heyet de Vervatoxa Înîsîyatîfê Ciwananê Rojhelatê Mîyanênî Medya Mihemed Seîd, Vervatoxa Yewîya Cinîyan ê Ciwanan Nadia Yusuf û Vervatoxa Meclîsê Ciwananê Ereban Leena Tharir cagirewtêne.
Heyetî hêverî Unîversîteya Bremenî de panelê ”Ciwanî, Perwerde, Xoîdarekerdişî’ de projeyê Unîversîteya Rojawanî ser o qisey kerd. Heyetî ard ziwan ke projeyê konfederalîzmê demokratîkî bi Şorişê Rojawanî yeno caardene.
Heyetî dima Parlamentoyê Eyaletê Bremenî de ciwanan reyde pêvînayîşî kerd. Heyetî derheqê rêxistinî, xebat û projeyanê ciwananê Rojawanî de agahîyî dayî. Heyetî bale ante hêrişanê dewleta tirke ya îşxalkere ser û pare kerd ke ganî statuyê Îdareyê Xoserî bêro pawitene.
Heyet dima zî tewrê kombîyayîşê parlementoyî bi û panelêk de derheqê hêrişanê dewleta tirke de agahîyî dayî. BREMEN
