Erzlerzê Kanîreşî yê bi şîdetê 5.8î ra dima Heyetê Partîya Demokratîke ya Şaran (HDP) Heyetê Rewşa Lezabeze awan kerde û şi warê erdlerzî ke cigêrayîş bikero. Hêzanê asayîşî nêverda ke Heyetê HDPyî debikewo warê erdlerzî.
Rêxistina HDPyî ya Çewlîgî derheqê babete de eşkerayîye daye û vat: ”Ma dejanê mexdûranê erdlerzî pare kenê. Wa şarê ma rê kefaret bo. Ma wazenê herême ra zanayîşanê raştikênan bigêrê, bizanê ke hemwelatîyê ma weş ê la ma yenê astengkerdene. Ma vînenê ke Nêweşxaneyê Dewlete yê Kanîreşî de sixletîyêka pîle esta. Yewê ci giran 10 tenî birîndar ê, kesêk zî merd. Sereyê şarê ma weş bo.” ÇEWLÎG
