Meclîsê Sûrîyeya Demokratîke (MSD) bado ke Partîya Îradeyê Şarê Sûrîye reyde pêkerdişê muzakereyê sîyasî îmza kerd, Wezîre Karanê Teberî yê Rûsya reyde pêvînayîş kerd.
Heyetê o ke Sereka Komîteya Rayberdişî ya MSDyî Îlhame Ehmed, Hetkarê Hemserekanê MSDyî Hîkmet Hebîb, Serekê Partîya Yewîye ya Sûryanîyan Senherîb Barsum û Temsîlkarê MSDyî yê Misirî Sihanok Dibo tede ca genê verî bi Serekê Partîya Îradeyê Şarê Sûrîye Kadrî Cemilî kombîyayîşê çapemenî yo hempar kerd û bado zî pêkerdişê muzakereyê sîyasî îmza kerd.
Heyetê dima ra şîyî Wezîrîya Karanê Teberî yê Rûsya û Wezîre Karanê Teberî yê Rûsya Sergey Lavrov reyde pêvînayîş kerd. Ame vatene ke pêvînayîş de çareserîya krîzê Sûrîye, pêvînayîşê komîteya qanûno bingeyênî yê ke Cenevre de dewam kenê û hetkarîye merdimî ameyî destgirewtene. MOSKOWA
