Heyetê Başûrê Kurdistanî yo ke 5 kesan ra ameyo pê, dimayê serdena Nasir Yagizî eşkerayîyêk dayebî ke ê do şorê zîyaretê Leyla Guvene
Heyetê Başûrê Kurdistanî yo ke bi serkêşîya Endamê Rayberîya Akademîya Sîyasî Dr. Hekîm Ebdulkerîmî ameyo pê, dimayê serdana Nasir Yagizî yo ke 111 rojî yo grevê vêşanîye de yo eşkerayîyêk daye û da zanayene ke ê do şorê zîyaretê Leyla Guven a ke 124 rojî yo grevê vêşanîye de ya.
Dr. Hekîm Ebdulkerîmî eşkerayîyêk daye û ard ziwan ke hem seba wedaritişê tecrîdê serê Rayberê Şarê Kurdî Abdullah Ocalanî hem zî seba serdana Leyla Guvena ke vera tecrîdê Ocalanî 124 rojî yo grevê vêşanîye de ya ê do şorê serdana Vakûrê Kurdistanî.
Dr. Ebdulkerîmî destnîşan kerd ke no ware de kesê ke wayîrê şeref û rûmetî yê ganî bibê wayîrê tewirî û vengê xo berz bikerê û va: “No wezîfeyêko neteweyî yo. Ganî tena vera tecrîdî ney, vera heme hêrişanê hemverê şarê ma, bibê wayîrê tewirî. Ma heme çalakwanan û xoverdayoxan rê serkewtiş wazenê.”
Kesê ke zereyê heyetî de ca girewto nê yê: Endamê Rayberîya Akademîya Sîyasîye Dr. Hekîm Ebdulkerîm, Endamê Rayberîya Akademîya Sîyasîye Şoreş Xidir. Rayberîya Têgêrayîşê Azadîye ra Ronak Mecîd, Platformê Hewremî ra Hîlal Şewket û Endamê Rayberîya Zehmetkêşan Bextîyar Mustefa. HEWLÊR
