Hemsereka Heyva Sor a Kurd Cemîla Hesene dîyar kerde ke birîndarî hema zî Serêkanîyê de asê yî. Hesene vrng daye mîyandewletî ke zext bi dewleta tirkî bikerî ke korîdorê merdimîye bêro akerdene û şehîd û birîndarî ewja ra bêrî vetene
Heyva Sor a Kurd, Xaça Sor a Mîyanneteweyî û Heyva Sor a Sûrîye vera tehlukeyanê hêrişanê dewleta tirkî ya dagirkere û çeteyê girêdayeyê aye zî xo resnayî Serêkanîyê. Heyva Sor a Kurd û Xaça Sor a Mîyanneteweyî 30 birîndar û cenazeyanê 4 şehîdan nêweşxane ra vetî.
Derheqê babete de Hemsereka Heyva Sor a Kurd Cemîla Hesene dîyar kerde ke 3 rojî yo ê heme hewldayîşan kenî ke xo biresnî birîndar û şehîdanê Nêweşxaneyê Serêkanîyê û înan ewja ra bivejnî. Hesene veng daye mîyandewletî ke zext bi dewleta tirkî bikerî ke korîdorê merdimîye bêro akerdene û şehîd û birîndarî ewja ra bêrî vetene û wina va: “Ma 30 birîndar û cenazeyanê 4 şehîdan nêweşxane ra vetî. Labelê hema zî hûmarêka zêde yê birîndar û şehîdan nêweşxane û keyeyanê sivîlan de esta. Cenazeyê 10 şehîdanê ma hema dormeyê nêweşxane de bî. Ma nêeşkayî înan bivejnî. Ma veng danê rêxistinanê dinya yê heqê merdiman ke zext bi dewleta tirkî bikerî ke korîdorê merdimîye bêro akerdene. Dewleta tirk sucê şer yê girdî kena. Rojek de 17 sivîlî şehîd bîyî û zêdeyê 75 kesî zî birîndar bîyî.” QAMIŞLO
