Rayîrê dewa grûbe ya girêdayeyê merkezê Çewlîgî ser de hezaz virazîya û rayîr şekîyayî. Rewşa rayîran qezayanê trafîkî rê rayîr akena
Goreyê malumatê ke ameyî herînayene rayîrê dewanê grûbe yê Uçyaka û Dugernanî ser de hezaz virazîya û rayîr şekîyayî. Rewşa rayîran qezayanê trafîkî rê rayîr akena û kesê ke bi wesayîtan ewja ra derbaz benî kewenî mîyanê şikan. Rayîrî goreyê standartan hîna teng virazîyayî û hezazî vera rayîrê tengî hîna teng bîyî. Xeylê hetan ra rayîrê nê dewan xeylê tehlukeyin î. Nika nîmeyê rayîran hezaz û tengî vera nînê xebetnayene.
Derheqê babete de şoforêk seba bale antişê rewşa rayîran û baldarîya şoforanê ke ewja ra derbaz benî, medyaya komelkî ser de parekerdişêk kerd û va: “Hetê şîyayîş û ameyîşê wesayîtan de problemê cîddî yenî cuyayene. Rewşa rayîran qezayanê trafîkî rê rayîr akena. Ma selahîyetdaran ra pawenê ke derheqê babete de xebatêk bikerî.” ÇEWLÎG
