Hêrişê hêzê dagirkere yê dewleta tirkî û çeteyanê girêdayeyê aye yê vera Serêkanîyê dewam kenî. Hêzê dagirkerî hewl danî ke nêweşxaneyê Serêkanîyê dagir bikerî û êrişê şîdetin kenî
Şewa verên mabenê DYA û dewleta tirkî de adirbirnayîşêk ame kerdene û goreyê adirbirnayîşî ganî dewleta tirkî û çeteyê aye hêrişanê xo bidayêne vindetene. Labelê eksê ci komê çeteyê girêdayeyê dewleta tirkî hêrişanê xo zêdînayî.
Goreyê xeberanê Serêkanîyê dewleta tirkî ya dagirkere û çeteyê aye hêrişê xo yê vera Serêkanîyê domnenî. Ame zanayene ke hêzê dagirkerî niha zî bêmaben hêrişê Nêweşxaneyê Serêkanîyê kenî. nêweşxane de xeylê sivîlê birîndarî estî.
Sewbîna çimeyê Serêkanîyê dîyar kerdî ke çar hetê qezayî hetê dagirkeran ra ameyî padayene û hêzê dagirkerî nêverdenî ke tu doktor û lazimîyê weşî derbazê mîyanê bajarî bibî. Çimeyan dîyar kerdî ke astengîyanê bîyayeyan vera xebatkarê weşî nêeşkayî mudaxaleyê 2 şervananê HSDyî yê ke birîndar bibî bikerî û cok ra wirdî şervanî zî şehîd bîyî.
Hêrişê dagirkerî yê serê Serêkanîyê dewam kenî. SERÊKANÎYÊ
