Artêşa tirk a dagirker û çeteyên wê bi hemû hêza xwe êrîşî Serêkaniyê dikin. Li hemberî vê yekê jî şervanên HSD’ê bi berxwedaneke destanî bersivên dagirkeran didin û nahêlin ku dagirker bikevin bajar
Berxwedana Rûmetê ya li Serêkaniyê ya li dijî hêzên dagirker ên dewleta tirk û çeteyên wê bênavber didome. Hêzên dagirker bi hemû hêza xwe êrîşî navçeyê dikin lê dikin û nakin nikarin xwe li hemberî berxwedana şervanan xwe bigirin.
Hêzên dagirker ên ku ji hezaran leşker û çeteyan pêk tê û bi balafirên şer, top, tank û çekên herî giran êrîş dikin, her carê ji şervanan derbên mirinê dixwin. Li gorî agahiyên ji Serêkaniyê, hêzên dagirker hemû derfetên xwe seferber kirine û êrîşî navenda Serêkaniyê dikin.
Çavkaniyên ji herêmê ragihandin ku şervanên HSD’ê jî li hemberî vê êrîşa hovane bi berxwedaneke lehengî şer dikin û derbên giran li dagirkeran didin û nahêlin bikevin bajar. SERÊKANIYÊ
