Hêzên Ewlehiya Hundirîn a Kantona Hesekê mayinên ku çeteyên DAIŞ’ê li ser rêya di navbera Hesekê û Holê de bi cih kiribûn, bêbandor kirin. Bi vê yekê re hêzên ewlehiyê rê li ber karesatekê girt
Hêzên Ewlehiya Hundirîn (Asayîş) li kantona Hesekê, hejmareke mayinên ku şaneyên veşartî yên girêdayî çeteyên DAIŞ’ê li ser rêya di navbera bajarê Hesekê û navçeya Holê de çandibûn, bêbandor kirin.
Hêzên Ewlehiya Hundirîn ên Kantona Hesekê li ser agahiya ku çeteyên DAIŞ’ê li ser rêya di navbera Hesekê û navçeya Holê de mayin çandine, di danê sibehê de rê ji hatin û çûna wesayîtan re girt. Çavkaniyan da zanîn ku mayin li nêzî gundê Red El Şeqrayê hatibûn bicihkirin.
Her wiha çavkaniyan destnîşan kir ku Hêzên Ewlehiya Hundirîn mayinên ku li ser rêyê hatibûn bicihkirin, bêbandorkirin. Bi vê yekê re jî hêzên ewlehiyê rê li ber karesatekê girt. Piştî bêbandorkirina mayinan jî rê ya di navbera Hesekê û Holê de li hatin û çûna wesayîtan hate vekirin.
Tê zanîn ku hîn jî Hêzên Ewlehiya Hundirîn bi rêya dewriyeyan, bergiriyên pêwîst digire. HESEKÊ
