Navenda Çapemeniyê ya Giştî ya Hêzên Ewlekariya Hundirîn diyar kir ku hêzên wan komeke çeteyên DAIŞ’ê ku dixwest gundê Tiwêmiyê dagir bike, bêbandor kir. Navendê destnîşan kir ku di êrîşê de 5 çeta hatine kuştin û hinek çete jî hatine girtin
Navenda Ragihandina Giştî ya Hêzên Ewlekariya Hundirîn têkildarî êrîşên şaneyên veşartî yên çeteyên DAIŞ’ê daxuyaniyeke nivîskî weşand. Navendê diyar kir ku komekê çeteyên DAIŞ’ê hewl dan ku gundekê Serêkaniyê kontrol bikin lê ji hêla hêzên wan ve hatine bêbandorkirin.
Di daxuyaniyê de Hêzên Ewlekariya Hundirîn da zanîn ku di demekî ku êrîşên dagirkeriyê yên dewleta tirk destpêkirin de, di danê vê sibehê de şaneyeke veşartî ya çeteyên DAIŞ’ê hewl da ku gundê Tiwêmiyê yê Serêkaniyê kontrol bike. Hêzên Ewlekariyê destnîşan kir ku hêzên wan bi ser çeteyan de girt û 5 çete hatin kuştin û hinek çete jî hatin girtin.
Daxuyanî wiha bi dawî bû: “Di serdegirtinê de 4 endamên me jî birîndar bûn. Em bang li welatiyan dikin ku li hemberî şaneyên veşarî hişyar bin. Ew li gorî daxwazên dagirkeran tevdigerin.”
