Hêzên rejîma Sûriyeyê dor li nuqteyeke çavdêriyê ya dewleta Tirk girtine ku li nêzî Idlibê ye.
Saziya Çavdêriyê ya Mafên Mirovan a Sûriyeyê ragihand, hêzên rejîmê piştî ku gelek gund û navçeyên li derdorê kontrol kirin dor li nuqteya çavdêriyê ya Tirk girtine.
Di daxuyaniyê de hate gotin, “Hêzên rejîmê dor li nuqteya çavdêriyê ya Tirk a li Morekê girtine” ku ev herêm di navbera Hama û Idlibê de ye.
Hêzên rejîma Sûriyeyê ji bo wergirtina Idlibê di dawiya meha Nîsanê de dest bi operasyonê kiribû. Artêşa Sûriyeyê ya ku Rûsya û Îran piştgiriya wan dike, navçeya Xan Şêxûnê di 20’ê Tebaxê de ji nû ve kontrol kiribû. Komên çete yên ku Enqere piştgiriya wan dike neçar mabûn ku xwe ji navçeyê û hin herêmên li bakurê Hamayê vekişînin.
Dewleta Tirk ji bo têkçûna Xan Şêxûnê asteng bike bi konvoyeke ji 50 wesayitên zirxî alîkarî şandibû ji çeteyan re, lê belê hêzên hewayî yên Rûsya û Sûriyeyê konvoy asteng kiribûn.SÛRIYE
