Çeteyên Lîwa “Ebû Bekir Sedîq” ên ser bi Heyet Tehrîr Şam ve êrişî nuqteyên hêzên hikumeta Şamê yên li ser girê gundê Kewkebe yê çiyayê Zawiyê yê li başûrê Idlibê kir. Di navbera her du aliyan de şer derket û agahiyên têkildarî kuştî û birîndarên hêzên hikumeta Şamê hatin parvekirin.
Li gorî Navenda Çavdêriya Mafên Mirovan a Sûriyeyê (SOHR), wek bîlançoya destpêkê herî kêm 3 leşkerên hikumeta Şamê hatine kuştin û 4 leşker birîndar bûne, her wiha 4 çeteyên Heyet Tehrîr Şam birîndar bûne.
Hêzên hikumeta Şamê jî gundê Filêfil ê başûrê Idlibê topbaran kir.
SOHR`ê duh jî ragihandibû ku çeteyên Heyet Tehrîr Şam êrişî noqteyên hêzên Şamê yên li derdora Besirton ê rojavayê Helebê kir û di encama şerê di navbera her du aliyan de 3 çeteyên Heyet Tehrîr Şam û 5 leşkerên hikumeta Şamê hatine kuştin û ji her du aliyan 10 kes birîndar bûne.
Bi vê yekê re, di kêmtirî 24 saetan de bi 2 êrişên cuda yên çeteyên Heyet Tehrîr Şam ên li dijî noqteyên hêzên hikumeta Şamê û alîgirên wê li gundewarên Heleb û Idlibê, 29 kes hatine kuştin û birîndar bûne.
