Rêveberiya Xweser a bakur û rojhilatê Sûriyeyê biryar girtibûn ku di 11’ê hezîranê de li ser seranserê herêmê hilbijartinên şaredariyan pêk bînin. Komîseriya Bilind a Hilbijartinan a bakur û rojhilatê Sûriyeyê der barê mijarê de biryara hejmara /5/ da. Li gorî biryarê hilbijartinên şaredariyan ku çav li rê bû 11’ê Hezîranê hatiban çêkirin, li ser daxwaza partî û hevbendiyên siyasî yên ku beşdarî hilbijartinan bûne, taloqî meha tebaxê hatin kirin.
Komîseriya Bilind a Hilbijartinan ev tişt parve kir: “Li ser daxwaza partî û hevbendiyên siyasî yên ku beşdarî hilbijartinan bûne, dîsan ji ku proseya hilbijartinan bi awayekî demokratîktir derbas bibe, Komîseriya Bilind a Hilbijartinan a bakur û rojhilatê Sûriyeyê biryar da ku hilbijartinên ku çav li rê bû 11’ê hezîranê çêbibin, taloqî 8’ê Tebaxê kir.
Partî û hevbendiyên siyasî yên ku beşdarî hilbijartinan bûne ji komîseriyê xwest in ku dema hilbijartinan were taloqkirin. Li gorî partî û hevbendiyên beşdarî hilbijartinan bûne, dema ku propgandaya hilbijartinana ji bo namzetan hatiye diyarkirin teng e. Sedema din a taloqkirinê demeke têr lazim e ku bangawazî li rêxistinên navneteweyî were kirin da ku çavdêriya hilbijartinên li Herêma Bakur û Rojhilatê Sûriyeyê bikin.
Partî û hevbendiyên siyasî yên ku daxwaza taloqkirina hilbijartinan kirine ev in: Meclisa Sûriya Demokratîk (MSD), Hevbendiya Gelan û Jinan ji bo Azadiyê, Lîsteya bi hev re ji bo Çêtirîn Raje û Partiya Yekitiya Demokrat a Kurd li Sûriyeyê (Yekitî).”
