Li bajarê Haydarabadê yê Hîndistanê jineke 27 salî bi awayekî ku bedena wê hatibû şewitandin hate dîtin. Piştî vê bûyerê bi hezaran kes rabûn ser pêyan û ev bûyer protesto kirin
Li bajarê Haydarabadê yê Hîndistanê bûyera ku jina bi navê Prîyanka Reddy a ku 27 salî dema diçe karê xwe di rê de erebeya wê xera dibe û rastî tecawiza 4 kesan tê. Malbata Reddy di nava rojê de tu agahî ji keça xwe nestandibûn. Di encama lêgerînê de jina 27 salî bi awayekî hatî şewitî, hat dîtin. Li gorî agahiyê polîsek Hîndistanê dayî Reddy ji aliyê 4 kesan ve rastî tecawizê hatiye û piştre hatiye şewitandin.
Piştî her çar mêrên tecewizkar ku sûcên xwe îtîtaf kirin, bi hezar kes daketin qadan û bûyera tecawizê şermezar kirin. Protestoyên ku niha di rojeva Hîndistanê de ye berdewam dikin û gel li ber qereqokalan bargehan ava kirine. Gel daxwaza ya tecawizkar bi cezayekî mezin bên cezakirin û yan jî tecawizkar teslîmê wan bên kirin, dikin.
Hewceyî gotinê ye ku di sala 2017’an de jî bûyereke bi vî rengî qewimî bû. Jina bi navê Jyotî Sîngh di nava otobûsekî de rastî tecawûzê hatibû û pişt re jî hatibû qetilkirin. Piştî vê bûyerê gel dîsa rabibû ser pêyan. Lê dîsa jî li Hîndistanê rejeya tecawiz û qetilkirina jinan a bi awayekî hovane, her diçe zêde dibe. Di sala 2017’an de tenê 33 hezar û 658 bûyerên tecawizê hatin qeydkirin. Ev yek jî tê wateya ku di rojekî de 92 jin rastî tecawizê tên.
