Navenda Nûçeyan
Ji derveyî PDK’ê hizb û aliyên siyasî yên Kerkûkê ji bo pêkanîna hevpeymanek ku tevlî hilbijartinên pêşwext yên Iraqê bibin, li baregeha Hizba Zehmetkêşan civiyan.
Piştî civînê berpirsê malbenda Kerkûk ya Hizba Zehmetkêşana Kurdistanê Şiwan Mihemed daxuyaniyek çapemeniyê da.
Şiwan Mihemed got; “Em ji bo amadekariya hilbijartinên pêşwext yên Iraqê civiyan. Em dixwazin hilbijartinak pak pêkbê û guhertinên baş têde çêbibin. Divê dawî li rewşa leşkerî ya Kerkûkê bê anîn.”
Şiwan destnîşankir ku ew ji bo pêkanîna hevpeymanek di nava amadekariyan dene.
Hêjayî gotinê ye biryar ew bu ku hilbijartinên pêşwext yên Iraqê di Hezîrana 2021’an de pêkhatiba. Lê tê gotin hilbijartin ji bo meha Îlonê hatiye paşxistin. Heya niha bi awayek fermî ji bo paşxistina dema hilbijartinan ti daxuyaniyek nehatiye dayîn.
