Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:
“29ê êlule de Warê Xoverdayîşî yê Çemçoyî de dormeyê mewzîyanê şerî yê Şehîd Serxwebûnî de îşxalkerî têdima bi taktîkê sabotajî ameyî pirodayene. Nê çalakîyan de 5 îşxalkerî ameyî cezakerdene. 2ê teşrîna verêne de reyna warê Çemçoyî de îşxalkerî ameyî pirodayene, 3 îşxalkerî ameyî cezakerdene. Eynî roje Warê Xoverdayîşî yê Sîda de îşxalkerî dormeyê mewzîyanê şerî yê Şehîd Agirî de ameyî pirodayene, di îşxalkerî ameyî cezakerdene. 1ê teşrîna verêne de Warê Xoverdayîşî yê Girê Amedîyê de helîkoterê skorskyî ame hedefgirewtene û mecbûr mend ke peyser agêro.
Warê Xoverdayîşî yê Girê Cûdî, Çemço, Sîda de mewzîyê şerî pê bombayanê qedexeyan û çekanê kîmyewîyan ameyî pirodayene. Reyna Warê Xoverdayîşî yê Çemço, Girê Amedîyê, Girê Cûdî, Saca, Şehîd Fedakar, Kurojaro û warê Gundê Şêlazê yê Metîna û warê Girê Bestanê yê Xakurkê pê teyarayanê şerî, helîkopteranê hêrişî û obusan dîyayî bombayan ver.
30ê êlule de herêma Şeranîşî ya Heftanînî de hêzanê Heres Hudutî yê dewleta Îranî embazê ma Xebat Xançepekî da xapî ro. Dormeyê ci pê wesayîtanê zirxinan ame girewtene ke wa teslîm bibo. Embazê ma veng dayo nê hêzan û vato wa pêkewtiş mevejîyo û waşt rayîrê xo de şiro. Embazê ma rê teslîmbîyayîş ameyo ferzkerdene û ey vato o sey yew gerîlayê PKKyî yo bianorî teslîmbîyayîş qebul nêkeno û pê çeka xo nayo xo ya. Embazê ma Xabato ke bi giranî bîyo birîndar hetê nê hêzan ra teslîmê Asayîşê PDKyî bîyo û wedarîyayo neweşxaneyê Duhokî. Goreyê xeberanê ke ma girewtî rewşa ey giran a.
2ê teşrîna verêne de warê Girê Berbizinê û Hornê yê ke pabesteyê Goşîne yê Xakurkê yê hetê hêzanê Îranî ra pê obus û hewanan dîyayî bombayan ver. Netîceya nê hêrişan de bag û bexçeyanê şarî zirar dî.” BEHDÎNAN
