Navenda Ragihandin û Çapemeniyê ya HPG’ê derbarê çalakiyên gerîla ev daxuyanî weşand: “Hêzên me li hemberî tevgera dagirker a dewleta tirk a faşîst di çarçoveya Pêngavên Şoreşger de çalakiyên xwe didomîne. Hêzên me bi ruhekî êrişê yê Apoyî çalakiyan dikin. Di van çalakiyan de 12 dagirker hatine cezakirin, 3 dagirker hatine birîndarkirin, derb li helîkoptereke êrişê û li helîkoptereke Skorsky hate xistin. Dewleta tirk a dagirker 17 caran bi çekên kîmyewî û teqemeniyê li çeperên şer û tunelan dane. Qadan berxwedanê 33 caran bi balefirên şer û bi dehan caran jî bi obusan hatiye bomberdûmankirin.
Agahiyên li ser çalakiyan wisa ye
Li Herêma Avaşînê
Di 6’ê hezîranê de saet di 10.50’an de hêzên me bi çekên giran li dagirkerên li Qada Berxwedanê ya Werxelê dane.
Di 6’ê hezîranê de saet di 14.30 û 14.55’an de dema ku helîkopteran xwestin têkevin qada Mervanosê, hêzên me li helîkopteran dan. Di encama lêdana hêzên me de, derb li helîkoptereke êrîşê û li ya Skorsky hate xistin.
Li Herêma Metînayê
Di 6’ê hezîranê de saet di 12.00’an de bi çekên giran li dagirkerên li dora çeperên şer ên Şehîd Savûşka ya li Qada Berxwedanê ya Girê Cûdî hate xistin.
Di 6’ê Hezîranê de saet di 14.00’an de hêzên me bi taktîka sûîkastê li dagirkerên li dora çeperên şer ên Şehîd Zemanî yên Qada Berxwedanê ya Girê Hekarî dan. Di encama van çalakiyan de 2 dagirker hatin cezakirin.
Li Herêma Zapê;
Di 5’ê hezîranê saet 22:20’an û 6’ê Hezîranê saet 19:015’an de li derdora Qada Berxwedanê ya Karker bi çekên giran li dagirkeran hatiye xistin.
Di 6’ê hezîranê saet 18:00’an de dagirkerên ku dixwestin xwe bigihînin tunelên şer ên Şehîd Hewrê yên li Qada Berxwedanê ya Şehîd Şahîn, bi taktîkên sabotajê hatin derbkirin. Di vê çalakiyê de dagirkerek hate cezakirin û dagirkerek jî birîndar bû.
Di 6’ê hezîranê saet 17:00’an de dagirkerên ku xwestine xwe li Qada Berxwedanê ya Karker bi cih bikin, ji her du aliyan ve ji aliyê tîmên me ve bi taktîkên vedizîn û sûîkastê hatine hedefgirtin û gulebarankirin. Hêzên me yên ku bi bombeyên destan û çekên şexsî li dagirkeran xistin, herî kêm 4 leşkerên tirk ên dagirker ceza kirin. Heman rojê saet 17:10’an de dagirkerên ku xwestine bi teqemeniyan êrîşî çeperên şer bikin, ji aliyê hêzên me yên YJA Starê ve bi taktîkeke sûîkestê hatine hedefgirtin û dagirkerek hatiye cezakirin.
Li Herêma Xakurkê;
Di 4’ê hezîranê saet 10.30’an de dagirkerên li Girê Koordîne ya Şehîd Berîtan bi çekên giran hedef hatin girtin û derbe li hedefên diyarkirî hatin xistin. Di heman rojê de saet di 16.30’an de hêzên me bi çekên giran li dagirkeran dan. Di encama vê çalakiyê de konteynirek a dagirkeran hate rûxandin, 2 dagirker hatin cezakirin û 2 dagirker jî birîndar bûn.
Di 6’ê hezîranê saet 11:00’an de dagirkerên li Girê Şehîd Axîn bi çekên giran hatin hedef girtin û gulebarankirin û li vir 2 dagirker hatin cezakirin.
Êrîşên dagirkeriyê
Êrîşên ku artêşa Tirk a dagirker bi çekên kîmyewî û teqemeniyan kiriye
Di 6’ê hezîranê de çeperên şer ên Şehîd Hewrê yên Qada Berxwedanê ya Şehîd Şahîn 12 caran bi çekên kîmyewî û teqemeniyan hate bomberdûmankirin.
Di 5’ê hezîranê de çeperên şer ên Şehîd Akîf ên Qada Berxwedanê ya Girê Hekarî 5 caran bi çekên kîmyewî û teqemeniyan hate bomberdûmankirin.
Êrîşên artêşa tirk a dagirker ên bi obus, helîkopterên êrîşê û balafirên şer;
Di 6 û 7’ê hezîranê de qadên Girê Cûdî, Girê FM, Sêdarê, Kurojahro, Çiyareş û Şikefta Birîndara bi helîkopterên êrîşê, bi obusên ji qereqolên li ser sînor û 18 caran bi balafirên şer hatin bombekirin.
Di 6’ê hezîranê de çeperên şer ên li Qada Berxwedanê ya Werxelê ya Avaşînê bi çekên giran û 4 caran bi balafirên şer hatin bombekirin.
Di 6’ê hezîranê de qadên Girê Hakkarî, Girê Ortê û derdora gundên Yekmalê, Şeşmalê, Şêlazê û Bazê ji qereqolên li ser xeta sînor bi obusan û 11 caran bi balafirên şer hatin bomberdûmankirin.”
