Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye û nê pare kerdî: “2 û 3 ê teşrîna peyêne de Warê Xoverdayîşî yê Saca de teqabero ke îşxalkeran seba ke vera mewzîyanê şerî yê Şehîd Xursî bişuxulnê amede kerdbi qismêkê ci hetê hêzanê ma ra bi hewayêkê profesyonolî ame îmhakerdene û qismo bîn ame destsernayene. 3ê teşrîna peyêne de Warê Xoverdayîşî yê Çemçoyî de îşxalkerêk ame cezakerdene.
Eynî roje Warê Xoverdayîşî Girê FMyî de îşxalkeranê ke waşt mewzîyanê şerî yê Girê Şehîd Munzurî bidê bombayan vera hetê hêzanê ma ra ameyî pirodayene. Çalakîye de teqabero ke destê îşxalkeran de bi teqa û tewr tay îşxalkerêk ame cezakerdene. Gama ke îşxalkeran mudaxaleyê çalakîye kerdêne reyna ameyî prodayene û 2 îşxalkerê bînî ameyî cezakerdene. Cenazaya leşkerêkî û pîya bi malzemeyê ke serê ci de bî ameyî destsernayene. Reyna cenazaya bîne zî binê kontrolê hêzanê ma de ya. Badê çalakîye herême pê teyarayanê şerî ameye bombardumankerdene.
2ê teşrîna peyêne de hêzanê ma yê YJA Starî mabênê herêmanê Girê Şehîde Axîne û Şehîde Bêrîtane de da îşxalkeran ro. Bi taktîkê sabotajî têdima panc çalakîyî ameyî kerdene. Çalakîyan de tewr tay 10 îşxalkerî ameyî cezakerdene û 3 îşxalkerî birîndar bîyî.
3ê teşrîna peyêne de Warê Xoverdayîşî yê Girê Şehîde Axîne de îşxalkerî ameyî pirodayene, 3 îşxalkerî ameyî cezakerdene û mewzîyêke ameye îmhakerdene. Warê Xoverdayîşî yê Girê Şehîd Derwêşî de zî îşxalkerî ameyî derbkerdene.
Artêşa tirke ya îşxakere 3ê teşrîna peyêne de mezîyê şerî yê Warê Xoverdayîşî yê Girê Amedîyê, Saca û Sîda pê bombayanê qedexeyan û çekanê kîmyewîyan dayî bombayan ver. Warê Xoverdayîşî yê Saca, Karker, Kurojahro, Girê FM, Girê Amediyê, Çemço û erazîyê Gundê Yekmalê û Gundê Şîyê yê Garê, warê Golka yê Metîna û warê Sînenê yê Xakurkê pê teyarayanê şerî, helîkopteranê hêrişî, obus, tanq û çekanê giranan ameyî bombardumankerdene.” BEHDÎNAN
