Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:
“Netîceya çalakîyanê hêzanê ma de 3 îşxalkerî ameyî cezakerdene. Artêşa tirke ya îşxalkere dewa Sîda ya Şêladizê û herêma Çemçoyî di reyî pê bombayanê qedexekerdeyan û 5 reyî zî pê çekanê kîmyewîyan dayî bombayan ver. Heman wextî de Warê Xoverdayîşî 4 reyî pê teyarayanê şerî, 6 reyî zî pê helîkopteran, bi desan reyî zî pê obus, tank, hawan û çekanê giranan dayî bombayan ver.
Detayê çalakîyan wina yê:
Çarçewa Hemleya Şorişgêre ya Bazanê Zagrosî de herêma Zapî de 19ê kanûne de dormeyê Sîda de îşxalkerî pê taktîkê sabotajî ameyî derbkerdene. 19ê kanûne de saete 12.00 de herêma Çemçoyî de hêzanê YJA-Starî da îşxalkeran ro û 1 îşxalker ame cezakerdene. Saete 17.40 de herêma Çemçoyî de îşxalkerî pê çekanê giranan ameyî pirodayene û 2 îşxalkerî ameyî cezakerdene.
Hêrişê ke pê çekanê kîmyewîyan û bombayanê qedexekerdeyan kerdê
19ê kanûne de artêşa îşxalkere dewa Sîda ya Şêladizê û herêma Çemçoyî di reyî pê bombayanê qedexekerdeyan û 5 reyî zî pê çekanê kîmyewîyan dayî bombayan ver. Îşxalkeran verê mewzîyanê şerî de lastîkî û malzemeyê plastîkî vêşnayî û dûyê înan verda zereyê tunelan.
Hêrişê bînî yê artêşa îşxalkere
19ê kanûne de warê Deşta Kafya û Girê Biharî yê Garê, Warê Xoverdayîşî yê Saca, Sîda, Çemço, Girê Hekatî, Girê FMyî û Kurojahroyî dîyayî bombayan ver.” BEHDÎNAN
