Gerîlayanê HPG û YJA Starî vera eskeranê ke Qilê Şehîde Sarya yê Xakurkê de ameyî cakerdene çalakîyêk viraşte. Çalakîya ke hîrê hetan ra ameyî viraştene de 4 eskerî ameyî kiştene û 1 zî birîndar bi
Merkezê Çapamenî û Îrtîbatî yê HPGyî bi eşkerayîyêk detayê çalakîyanê gerîlayan pare kerdî.
Eşkerayîya HPGyî wina ya:
“Çarçeweya Hemleya Şorişgêre ya Şehîd Bager û Şehîd Ronya de hêzanê ma 11ê temmuze de Qilê Şehîde Sarya yê Xakurkê de vera îşxalkaranê dewleta tirkî çalakîyêk viraşte. Mewzî û stargehê dişmenî hîrê hetanî ra ameyî pirodayene. Çalakîya bitesîr de 4 eskerî ameyî kiştene û 1 zî birîndar bi. Îşxalkaran dimayê çalakîye herême bi sîlehanê giranan bombardûman kerde. Yewîya ma ya ke çalakîye viraşte weşûwar resaye cayê xo.
Şax de pêkewtişê giranî
26’ê Hezîrane de artêşa tirkî ya îşxalkare dewa Arkenîsî ya qezaya Şaxî ya Wanî de operasyonêk da destpêkerdene. Operasyono ke bi paştdayîşê wesayîtanê zirxinan û wesayîtanê hewayî yê bêmerdimî yeno domnayene de mabênê hêzanê ma û îşxalkaran de pêkewtişê xidarî ameyî ciwîyayene. Di embazê ma yê ke bi qehremankî vera dişmenî şerkêrdene tewrê kerwanê şehîdan bîyî. Nasnameyê embazanê ma do rayapêroyî dir bêrê parekerdene.
Operasyonê payîzava peyser ancîya
4ê temmuze de artêşa tirkî ya îşxalkare dewanê Aşkan, Sîlîa, Axçûr, Xazir û Kanîsorî yê qezaya Payîzava ya Wanî de dest bi operasyonêk kerd. Hêzanê operasyonî şarê herêmî rê zext û heqeretî kerdî. Operasyon eynî roje de peyser ancîya.
Wareyê pawitişî yê medya ame bombardûmankerdene
11ê Temmuze de teyareyanê şerî yê artêşa tirkî herêmanê Wareyê Pawitişî yê Medya ra Avaşînî de herêma Adilbegî, Metîna de zî herêma Kesta bombardûman kerdî. Nê hêrîşan de vînîbîyayeyê ma çîn ê.” BEHDÎNAN
