Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişanê îşxalî de agahîyî dayî.
Eşkerayîye wina ya:
“Netîceya çalakîyanê hêzanê ma de 4 îşxalkerî ameyî cezakerdene, 1 mewzîyê A-4î û 1 sîstemê mobese ame îmhakerdene. Heman wextî de dest nîya 1 dron û 20 kîlo teqaberan ser. Artêşa îşxalkere Warê Xoverdayîşî 7 reyî pê bombayanê qedexekerdeyan, 32 reyî pê helîkopteranê hêrişî, bi desan reyî bi obus, tank û çekanê giranan dayî bombayan ver.
Detayî wina yê:
Çarçewa Hemleya Şorişgêre ya Bazanê Zagrosî de herêma Zapî de
28ê teşrîna peyêne de Warê Xoverdayîşî yê Sîda de 2 reyî îşxalkerî pê çekanê giranan ameyî pirodayene. Na çalakîye de 3 îşxalkerî ameyî cezakerdene.
Çarçewa Hemleya Şorişgêre ya Şehîd Savaş Maraşî ya Cengê Xabûrî de
26ê teşrîna peyêne de Warê Xoverdayîşî yê Girê Amedîyê de îşxalkerî ameyî pirodayene û na çalakîye de 1 mewzîyê A-4î ame îmhakerdene. 28ê teşrîna peyêne de Warê Xoverdayîşî yê Girê Cûdîyî de pê taktîkê suîkastî îşxalkerî ameyî pirodayene û 1 îşxalker ame cezakerdene. 28ê teşrîna peyêne de Warê Xoverdayîşî yê Girê Cûdîyî de 1 sîstemê mobese ame îmhakerdene. Reyna hêzanê ma mudaxeleyê îşxalkeranê ke waştêne pê teqaberan mewzîyanê ma bidê bombayan ver, kerd û hêzanê ma dest na teqaberê 20 kîloyî. 28ê teşrîna peyêne de Warê Xoverdayîşî yê Girê Cûdîyî de îşxalkerî di reyî ameyî derbkerdene. Dima tîya de hêzanê ma da dronêko ke artêşa îşxalkere hewa de pernayêne ro û dest na dronî. 28ê teşrîna peyêne de Warê Xoverdayîşî yê Girê Cûdîyî de îşxalkerî pê çekanê nêmotomatîkan ameyî derbkerdene.
Hêrişê ke artêşa îşxalkere pê bombayanê qedexekerde û çekanê kîmyewîyan kerdê
28ê teşrîna peyêne de Warê Xoverdayîşî yê Girê Cûdî de mewzîyê Şehîd Yunusî û Şehîd Çekdarî dîyayî bombayan ver.
Hêrişê bînî yê artêşa îşxalkere;
28ê teşrîna peyêne de Warê Xoverdayîşî yê Kurojahro, Şehîd Fedakar, Girê Cûdî, Girê Amedîyê, Çemço û Grê FMyî dîyayî bombayan ver.” BEHDÎNAN
