Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:
“13ê teşrîna peyêne de Warê Xoverdayîşî yê Şehîd Adilî yê Çemçoyî de çalakîya suîkastî ameye kerdene, îşxalkerêk ame cezakerdene. Eynî roje îşxalkeranê ke waşt ver bi mewzîyanê şerî yê Şehîd Serxwebûnî yê Warê Xoverdayîşî yê Çemçoyî şirê pê çekanê giranan di rey ameye pirodayene û 3 îşxalkerî ameyî cezakerdene. 10ê teşrîna peyêne de warê Şêxzade de îşxalkerî hetê hêzanê ma ra pê çalakîya sabotajî ameyî pirodayene. Na çalakîye de 4 îşxalkerî ameyî cezakerdene.
Artêşa tirke ya Îşxalere 13ê teşrîya peyêne de mewzîyê şerî yê Girê Şehîd Rêberî yê Warê Xoverdayîşî yê Karkerî, mewzîyê şerî yê Şehîd Botanî yê Warê Xoverdayîşî yê Çemçoyî û mewzîyê şerî yê Şehîd Felatî yê Warê Xoverdayîşî yê Sîda pê bombayanê qedexeyan û çekanê kîmyewîyan dayî bombayan ver. Reyna Warê Xoverdayîşî yê Kurojahro, Girê Amediyê, Girê Cûdî, Çemço, Sîda, Şehîd Adil, Girê FMî û warê Dola Meranê yê Garê pê teyaranê şerî, helîkopteranê hêrişî, obus, tanq, û çekanê giranan dayî bombayan ver.
14ê teşrîna peyêne de warê Girê Berbizinê yê pabesteyê Goşînê Xakurkê hetê hêzanê Îranî ra pê obus û havanan dîya bombayan ver.” BEHDÎNAN
