Merkezê Îrtîbatî û Çapemenîye yê HPGyî derheqê hêrişanê îşxalî de eşkerayîyêke daye û nasnameyê yew şehîdî zî pare kerd. Eşkerayîye wina ya:
”Artêşa tirke ya îşxalkere mewzî û tunelê şerî yê Herêmanê Pawitişî yê Medya hewa û erdî ra bi seyan reyî dayî bombayan ver la tira netîceyêke girewte. Artêşa îşxalkere pê çekanê kîmyewîyan û bombayanê qedexekerdeyan hêrişê mewzîyanê şerî kerd la reyna ser nêkewte. Artêşa îşxalkere bi bombaya nuklere ya taktîkî Warê Xoverdayîşî yê Sîda yê Zapî da bombayan ver. Netîceya ney de teqayîşêko pîl qewimîya û embazê ma Şerzan Mewa şehîd bi. Artêşa îşxalkere hema zî hêrişanê xo yê nukleran rê dewam kena.
Herêma Zapî de;
Artêşa îşxalkere verê xoverdayîşê gerîlayan de netîceyêke nêgirewte, mewzî û tunelê ma pê bombaya nuklere dayî bombayan ver. 28ê hezîrane de Warê Xoverdayîşî yê Sîda de netîceya bombardumanê nuklerî de embaz Şerzan Mewa şehîd bi.
Embaz Şerzan Êlih de dadîya xo ra beno. O hêrişanê DAÎŞî û dewleta tirke ra dima 2015 de Sêrtî ra verê xo dano koyan û beno gerîla. Embaz Şerzan Zap de beno wayîrê pratîkê verênî. Embaz Şerzan di serran Cîlo de maneno û derbanê giranan dano dişmenî ro. O Zagrosan de zî erk keno. Embaz Şerzan bi taybetî viraştişê tunelanê şerî û mewzîyan de xebitîyeno û 2022 de çarçewa Hemleya Bazanê Zagrosî de rolêkê serkêşî keno. Embaz Şerzan Warê Xooverdayîşî yê Sîda de zî rixmê hêrişanê dişmenî zî bi fedayîtî şer keno û beno şehîd.
Ma eşkerayîya xo ya 29ê hezîrane de dabi zanayene ke artêşa îşxalkere 22yê hezîrane de Şikefta Birîndaran, Kokerê, Saca û Karkerî de operasyonê xo yê îşxalî hîra kerdo. 29ê hezîrane de artêşa îşxalkere Şikefta Birîndaran û Karkerî de erazî da adirî ver û xo ant girî ser. Şewat hema zî dewam keno. Warê Xoverdayîşî yê Zapî de bombayan ver dîyeno û Warê Xoverdayîşî yê Şekefta Birîndaran de zî teqaberî yenê teqnayene.
Herêma Şehîd Delîlî de;
1ê temmuze de Warê Xoverdayîşî yê Girê FMyî de îşxalkerî pê çekanê giranan ameyî derbkerdene.
3yê temmuze de Warê Xoverdayîşî yê Girê FMyî de îşxalkerî pê çekanê giranan ameyî derbkerdene.
Herêma Xakurkê;
1ê temmuze de Girê Şehîd Şahanî de hetê hêzanê YJA-Starî ra îşxalkerî pê çekanê giranan ameyî derbkerdene.
Hêrişê îşxalî;
1-2-3yê temmuze de Herêma Şehîd Delîlî, dewa Bêşîlî ya Metîna, dewa Yekmalî, warê Xêrê û Neqeba Meyrokê yê Garê, Warê Xoverdayîşî yê Girê Bihar, Girê Cûdî, Girê Amedîyê, Sîda, Girê Hekarî û warê Golka yê Metîna, Girê Şehîd Heqîyî, Awa Lolanî, Girê Şehîd Kamuranî dîyayî bombayan ver.
1ê temmuze de herêma Şehîd Delîlî de têgêrayîşê dronana qewimîya.
Artêşa îşxalkere 1,2,3yê temmuze de reyna pê kepçeyan hêrişê Warê Xoverdayîşî yê Sîda kerd û kerd ke tunelanê ma birijnê.”
Nasnameyê embaz Şerzan Mawayî wina yo:
 |
Nameyê Qodî: Şerzan Mawa
Name û Peyname: Ferit Yuksel Cayê Bîyayîşî: Êlih Maye-Pî: Kadrîye – Huseyin Tarîx û Cayê Şehadetî: 28ê Hezîrana 2023yî /Zap |
