Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya aşma çeleyî eşkera kerde.
Goreyê eşkerayîya HPGyî aşma çeleyî de 79 çalakîyî ameyî kerdene ke înan ra yewe operasyono şorişgêr bi. Nê çalakîyan de 99 leşkerê tîrkî yê îşxlakerî ameyî cezakerdene, 12 îşxalkerî birîndar bîyî û eynî wextî de 3 gerîlayî şehîd bîyî.
Çalakîyan de 21 mewzî, 5 kamerayê mobese, 1 wesayîto leşkerî, 1 cipilxane, 2 cayê lojîstîkî, 3 konternir, 2 sîstemê radarî, 1 kemeraya mobese ya termale, 2 çekê A4 ameyî îmhakerdene. Reyna xeylêk malzemeyo leşkerî zî ame destsernayene.
Goreyê bîlançoya HPGyî artêşa tirke nê prosesî de 283 rey bi teyarayanê şerî heriş kerd, mewzîyê gerîlayan 6 rey bi çekanê qedexeyan dayî bombayan ver û 18 rey zî droneyê teqaber barkerdeyî ameyî şuxulnayene.
Eşkerayîya bîlanço ya HPGyî wina ya:
“Gerîlayê Azadîye yê Kurdîstanî vera sîyasetê înkar, îmha, qirkerdiş û tecrîdî û hêrişanê îşxalî têkoşînê xo yê tarîxîyî rê aşma verên a 2024 de zî bêmabên dewam kerd. Rixmê şertanê giranan a zimistanî cewabê hêrişanê dewleta tirke yenê dayene û bi operasyonanê şorişgêran û çalakîyan perfermasyonê şerî yo muhîm vejîya werte. Gerîlayanê Azadîye yê Kurdîstanî bi nê çalakîyan reyna raştîya doktrînê şerî yê HPGyî îspat kerd. Reyna ame vînayene ke verê hêzê gerîlayan de çew nêeşekno vindero.
Çalakî û operasyonê şorişgêrê ke hêzanê ma kerdî senî ke derbeyê girdî dayî dişmenî ro, rejîmê AKP-MHPyî zî serûbin kerd û mojna ke bi sîyasetê înkar û îmhayî nêbeno. Gerîlayê Azadîye yê Kurdîstanî hamnan-zimistan nêvanê her qeyde erazî de, her ca de, her hele de çalakîyanê girdan kenê. No semedê têkoşînê azadîye yê şarê ma serekwtişêk o. Gerîlayê ma yê ke wina hezdar kewtî serra newî rayîrê têkoşînê 2024î zî ramojna.
Hemrayê ma Serxwebûn Serhed, Rizgar Çavreş û Jêhat, înanê ke Têkoşînê aşma çeleyî de bi ruhê fedayî derbeyê girdî dayî dişmenî ro, tewrê kerwanê şehîdan bîyî. Ma soz danê ke ma do rêçê qehramanê xo de têkoşînî xurtêr bikerê û waştişê înan bîyarê ca.” BEHDÎNAN
