Navenda Ragihandin û Çapemeniyê ya HPG’ê têkildarî êrîşên artêşa tirk a dagirker ên doh bi daxûyaniyeke nivîskî agahî dan. HPG’ê ev daxûyanî parve kirin:
“Di 5’ê gulanê saet 11:10’an artêşa tirk a dagirker li dijî Qada Berxwedanê ya Girê FM êrîşek kir. Hêzên me di çarçoveya parastina cewherî de bersiv dan dagirkeran.
Di 5’ê gulanê de hêzên dagirker dema ku êrîş kirin û xwestin çepera me ya berxwedanê ya Sîdayê îmha bikin, hêzên me li wan dan û dagirkerek hat cezakirin.
Di 5’ê gulanê de Girê Şehîd Reşîd, Girê Zengil, Gundê Guzê û Gundê Filla ya Garê 15 caran bi balafirên şer hatin bombekirin.
Di 5’ê gulanê Qadên Berxwedanê yên Girê Bahar, Girê Cûdî, Girê FM û Girê Amediyê û çeperên me yên berxwedanê yên Sîdayê 16 caran bi obus, tank û çekên giran hatin bombekirin.
Di van bombekirinan de tiştek bi hêzên me nehatiye.”
