Merkezê Îrtbatî û Çapemenîye yê HPGyî eşkerayîye daye û nê pare kerdî:
“Ma eşkerayîya xo ya teşrîna peyêne de vatbi 3ê teşrîna peyêne de çalakîya Warê Xoverdayîşî yê Girê FMyî yê Metîna ke nêzdîyê qezaya Amedîye ya Başûrê Kurdîstanî de yo cenazayêka leşkerêkî ameye destfînayene. Cenazaya ke destê ma de ya ameye safî kekerdene. Nimreyê nasnameyê leşkerî 13082287382 yo, 14ê gulana 1996 de Duzce de ameyo dinya, nameyê ci Mustafa Bazna yo lajê Dondu û Ramazanî yo. Mergê nê leşkerî zî şar û rayapêroyîya Tirkîya ra ameyo nimitene.
Rejîmo faşîst ê AKP-MHPYî seba ke binena îqtîdar de bimano bi fermanê Tayyîp Erdogan û Hulusî Akarî leşkeranê tirkan şawano waranê gerîlayan û înan xerc keno. Mergê leşkeran xora xeymê înana de nîyo û mergan zî nimnenê. Artêşa tirke 8 aşmanê peyênan de Zap de nizdê 2500 leşkerî vînî kerdî la nê şarê Tirkîya ra niminenê. Nê waran de şerêko gird est o û berpirsîyarîya Erdogan û Akarî de zaf leşkerî mirenî. Kenê ke ratşîya şerê Kurdîstanî biniminê. Ma verî zî pê dîmenan eşkera kerdbi ke dewleta tirke cenazayê leşkeranê xo bi destanê xo vêşnayî.
Her çiqas hemverê ma de raştîya dişmenê winayênî ke merdimîye xo ra vejîyayo estbî zî ma sey Hêzanê Pawitişî yê Kurdsîtanî, goreyê ehleqê merdimîye, ercanê hemparan ê şaran û qanûnanê şerî têgêrenê û vanê eke bêro waştene ma eşkenê cenazaya Mustafa Baznayî bi rayîrê sîvîlan yan zî dezgehanê komelê sîvlî teslmê keyeyê ci bikerê.” BEHDÎNAN
