Navenda Ragihandin û Çapemeniyê ya HPG’ê li ser êrîşên artêşa tirk a dagirker daxuyaniyek da. Daxuyanî bi vî rengî ye:
“Li herêma Zapê; 19’ê nîsanê saet di 12:00 de artêşa tirk a dagirker bi çekên giran êrîş bir ser Qada Berxwedanê ya Girê Cûdî. Hêzên me jî ji bo xwe biparêzin neçar man bersivê bidin û di encamê de şer qewimî.
20’ê nîsanê saet di 08:30, 10:00 û 10:30’î de artêşa tirk a dagirker bi çekên giran û obusan êrîş bir ser Qada Berxwedanê ya Girê Cûdî. Hêzên me ji bo xweparastinê bersiv dan û di encamê de şer qewimî.
20’ê nîsanê saet di 10:00 û 10:30’î de artêşa tirk a dagirker bi çekên giran êrîşî Qada Berxwedanê ya Girê FM’ê kir. Hêzên me yên YJA Starê ji bo xwe biparêzin bersiv dan û şer rû da. Di encamê de çekek topê ya 57’an hate îmhakirin.
Êrîşên artêşa tirk a dagirker ên bi çekên qedexekirî; 20’ê nîsanê li Sîdayê çeperên me yên berxwedanê carekê bi çekên qedexekirî hate bombekirin.
Êrîşên artêşa tirk a dagirker; 20’ê nîsanê li Metînayê qadên berxwedanê yên Girê Çarçêl, Golka û Girê Amediyê 3 caran bi balafirên şer hatin bombekirin.
19 û 20’ê nîsanê li Qadên Berxwedanê yên Girê FM û Girê Cûdî, Çemço û Sîdayê çeperên me yên berxwedanê 68 caran bi obus, tank û çekên giran hatin bombekirin.”
