Merkezê Îrtîbatî û Çapemenîye yê HPGyî bi eşkerayîyêke Çekdar Şoreşo ke 2020 de Botan de şehîd bîyo yad kerd.
Eşkerayîye wina ya:
Fermandaranê gerîlayan ê serkêşan ra embaz Çekdar Şoreş temmuza 2020î de Botan de şehîd bi. Embaz Çekdarî têkoşînê xo yê gerîlatîye yê 14 serran de serkewtişê pîlî vistî destî û her warê Kurdîstanî de têkoşîn kerd. O bi milîtananê Apogîran ê nimûneyan ra yew. Embaz Çekdar seba azadîya şarê ma helêke zî nêvindert û bi fermandaranê serkêşan ê gerîlatîya Modernîteya Demokratîke ra yew. Embaz Çekdar Kelareşî ra heta leweyanê Zagrosan û gelîyanê Botanî gerîlatîye kerde, pê enerjîya xo ya bêpeynîye û waştişê azadîye têkoşîn kerd. O bi çêrêk ke refanê gerîlayan de tim xeta qehremanîye de şîyo.
Ma serrgêra şehadetê ci de embaz Çekdar Şoreşî bi rêz û minetî yad kenê. Sere de keyeyê ci yê ercîyayeyî rê ma şarê Şaxî, eşîra Xelîlan û pêro şarê Kurdîstanî yê welatperwerî rê serweşîye wazenê. Ma soz danê ke bi servistişê têkoşînî bibê perwerê şehîdanê xo.
Nasnameyê şehîd Çekdar Şoreşî wina yo:
 |
Nameyê Qodî: Çekdar Şoreş
Name û Peyname: Harun Îtah Cayê Bîyayîşî: Wan Maye-Pî: Halîme – Seyfettîn Tarîx û Cayê Şehadetî: Temmuza 2020î /Botan |
Embaz Çekdar qezaya Şaxî ya Wanî de, mîyanê eşîra Xelîlan de dadîya xo ra beno. Embaz Çekdar vera polîtîkayanê şerê taybetî tewrê xebatanê ciwanan beno, rixmo ke çend reyî zî ameyo destbendkerdene qetî têkoşînî ra fek vera nêdano. Embaz Çekdar 2006 de dima ke dezayê ci Dara Kato (Şakîr Îtah) beno şehîd, Kelareş de bêteredut verê xo dano koyan beno gerîla.
O panc serran Kelareş de gerîlatîye keno û beno fermandar. Embaz Çekdar dima derbazê Herêmanê Pawitişî yê Medya beno û Heftanîn, Zagrosan, Cîlo, Çarçella û Zap de têkoşîn keno. O bi taybetî 2010 de Çarçella de fermandarîye keno, derbanê giranan dano dişmenî ro. Embaz Çekdar dima Cîlo de perwerde gêno û xo hîna aver beno. 2019 de embaz Çekdar waştişê xo ser o derbazê Botanî beno û tîya de fermandarîya eyaletî keno. Embaz Çekdar Botan de dişmenî rê beno ters û tim çalakîyanê serkewteyan keno. O tim xeta fedayîyanê Apogîran de xover dano û beno wayîrê tewrbîyayîşêkê raştikênî.” BEHDÎNAN
