Merkezê Îrtîbatî û Çapemenîye yê HPGyî bi eşkerayîyêke da zanayene ke operasyonê îşxalî yê vera waranê Girê Gêsin, Girê Sorî û Mêrgumanî yê herêma Botanî de 30ê êlula 2022yî de pêkewtişê vera artêşa tirke ya îşxalkere de gerîlayî (Nevzat Şervan), Emrullah Tuncer (Pilîng Qoser) û Sîpan Cûdî şehîd bîyê.
Eşkerayîye wina ya:
“Vera hêrişanê îşxalî yê artêşa tirke ya qirkere serkêşîya Fermandarê ma Nevzat Şervanî de embazanê ma Pilîng û Sîpan Cûdîyî xoverdayîşêko destanwarî kerd. Rixmê hêrişan û teknîkê xo zî dişmen pê xoverdayîşê embazanê ma nêeşka û derbê giranî werdî. Embazanê ma nê xoverdayîşê destanwarîyî de xeylêk îşxalkerî ceza kerdî û rayîr nêda dişmenî. Pêkewtişan de fermandarê ma yê serkêşî Nevzat, Pilîng û Sîpan şehîd bîyî.”
Eşkerayîye de ame parekerdene ke nasnameyê gerîla Sîpan Cûdî dima wexto ke bêro qetîkerdene rayaumûmîye de bêro vilakerdene.
Nasnameyê gerîlayanê şehîdan wina yê:
Nameyê Qodî: Nevzat Şervan
Name û Peyname: Turgut Oslu
Cayê Bîyayîşî: Şirnex
Maye-Pî: Xunave – Sadik
Tarîx û Cayê Şehadetî: 30ê Êlula 2022yî / Besta
Nameyê Qodî: Pilîng Qoser
Name û Peyname: Emrullah Tuncer
Cayê Bîyayîşî: Mêrdîn
Maye-Pî: Adlê – Hamit
Tarîx û Cayê Şehadetî: 30ê Êlula 2022yî / Besta
Embaz Nevzat Qilebanê Şirnexî de dadîya xo ra beno. Embaz Nevzat dima ke Qirkerdişê Roboskî de di dezayê ci û embazê ci yê domanîye qetil bîyê pê hîsê qesasî 2013 de tewrê gerîlayan beno. O verî Qendîl de perwerde gêno û dima derbazê Zapî beno. O tîya de tewrê xebaranê qerargehî beno û sûîkastwanîye ser o beno pispor. Embaz Nevzat her şehadetê embazanê xo ra pey xo hîna zaf aver beno û têkoşînê xo keno pîlêr.
2018 de embaz Nevzat derbazê Vakurê Kurdîstanî beno û seba caardişê Şerê Şarî yê Şorişgêrî xîret keno. Embaz Nevzat xeylêk çalakîyan de sey fermandarêkî serkêşîye keno, derbanê giranan dano dişmenî û beno fermandarêko serkêş. Embaz Nevzat herêma Besta de zî pa embaz Pilîng û Sîpanî bi ruhê Apogîrî têkoşîn keno û heta nefesê xo yê peyênî cewab dano hêrişanê dişmenî.
Embaz Pilîng Qoserê Mêrdînî de dadîya xo ra beno. Embaz Pilîng verî xebatanê ciwanan de cagêno û dima 2014 de wexto ke Zanîngehê Çanakkale de wendêne derbazê Dêrsimî beno. O Dêrsim de tewrê gerîlayan beno. Embaz Pilîng Dêrsim de perwerde gêno û beno wayîrê tecrubeyan. Dima zî o vera DAÎŞî şer keno û beno birîndar la qetî şerî ra fek vera nêdano. Şerê vera DAÎŞî ra dima o reyna agêreno koyan û di serran Garê de tewrê xebatan beno. Embaz Pilîng Akademîya Hakî Karerî de zî perwerde gêno û verê xo dano Vakurê Kurdîstanî.
O Botan de bi coşî vera dişmenî şer keno û beno fermandaranê serkêşan ê Besta ra yew. Embaz Pilîng xeylêk çalakîyan de derban dano dişmenî ro û heta nefesê xo yê peyênî şer keno.
Ma sere de keyeyanê ercîyayeyan ê şehîdanê ma rê pêro şarê welatperwerî yê Kurdîstanî rê serweşîye wazenê. Ma soz danê ke têkoşînê embazanê xo yê şehîdan qetî biresnê serfîrazîye.” BEHDÎNAN
