Merkezê îrtîbatî û Çapemenîye yê HPGyî eşkera kerd ke di fermandarê HPGyî 2018 de Qendîl de şehîd bîyî û nê pare kerdî:
22ê adara 2028 de hêrişê vera Qendîlî de fermandarê ma yê erjîyayeyî Zinar û Şahîn tewrê kerwanê şehîdan bîyî. Wird fermandarê ma yê erjîyayeyî yê ke bi serran o Têkoşînê Azadîye yê Kurdistanî de, xeylêk waran de, wextanê tewr zehmetan de bi hewayêkê qehremankî şer kerd û serkewtişê girdî fînayî dest, bi afirnayîşê erjan, bîyî kadroyê serkêşî yê PKKyî. Hemrayê ma Zinar û Şahîn yê ke Vakurê Kurdistanî ra heta Herêmanê Pawitişî yê Medya, uca ra heta çar parçeyanê Kurdistanî têkoşîn vila kerd û sey derwîşanê hemdemî ciwîyayî tewr peynî de Qendîl de hêrişê dişmenî de dinyaya xo bîyî şehîdê Newroze.
Ma sere de keyeyê hemrayanê ma Ziran û Şahînî, heme şarê welatperwerî yê Kurdistanî rê serweşîye wazenê.
Hemrayê Zinar Tetwan de keyeyêkê welatperwerî de yeno dinya û bi goştarîkerdişê destananê xoverdayîş û têkoşînî beno pîl. Gama ke Erzirom de unîversîte waneno PKKyî dahîna nêzdî ra nas keno. Têkoşînê serranê 90yan hemrayê ma Zinarî zî anceno mîyanê sefanê têkoşînî. Tewrê Yekîtiya Ciwanên Kurdistanî beno. 1993 de beşê fransizkî yê Unîversîteya Erziromî caverdeno û beno fedayîyê têkoşînê azadîye yê şarê ma.
Serhad de tewrê sefanê têkoşînî beno, serrêke tîya gerîlatîye keno û 1994 de verê xo dano Herêmanê Pawitişî yê Medya. Bado ke tîya serrêke her hetî ra perwerde vîneno waştişê ci ser reyna agêrano Serhad. Serhad de 5 serrî têkoşîn rayra beno û sey fermandarêkî embazanê xo rê serkêşîye keno. Sey fermandarêkê serkewteyî û mîlîtanêkê fedayîyî Serhad û Herêmanê Pawitişî yê Medya de xeylêk xebatanê cîyayayan de maneno. Xeylêk wezîfeyanê krîtîkan geno xo ser û bi serkewtişî ano ca. Hemrayê Zinar di rey têkoşînê vera îşxalkeran de birîndar beno la bi îradeyê xo yê jîhatî lez beno weş û têkoşînê xo domnano. Bado ke Xakurkê ra heta Metîna, Qendîlî ra hta Zap û Serhadî xeylêk waran de gerîlatîye keno, tewr peynî de Rayberdişê Eyaletî yê Qendîlî de ca geno. Ma do mîrasê têkoşînê nizdê 30 serran ê fermnadarê xo yê bêmergî hemra Zinarî do bi serkewtişî tacîdar bikerê.
Hemrayê Şahîn dewa Şîşemzînî ya Geverî de yeno dinya û sey endamê eşîrê Mamxurî, keyeyêkê welatperwerî de beno pîl. 1998 de warê Esendereyî de tewrê sefanê gerîlayan beno û heta 2001î waranê Esendere û Şehîdanî de gerîlatîye keno. Dima ra Mektebê Merkezê Partî de tewrê perwerdeyî beno û rarvîyareno warê Qendîlî. Tîya wextêk karanê pratîkî keno. 2003yî de verê xo dano Amedî û tîya 7 serrî gerîlatîye keno û morê xo dano binê çalakîyanê serekwteyan ro. Fermandarîya tîmî ra heta fermandarîya eyaletî heme wezîfeyanê xo bi serkewtişî ano ca. 2011 de ravîyareno Herêmanê Pawitişî yê Medya û Akademîya Leşkerî ya Mahsum Korkmazî de perwerde vîneno. Badê perwerdeyî waranê Metîna û Garê de xebatan rayra beno. Seba ke vera çetayanê DAIŞî şer bikero verê xo dano Rojawanî. Badê binkewtişê DAIŞî reyna verê xo danê koyanê Kurdistanî û tewrê dewreyê perwerdeyê yê Akademîya Şehîd Îbrahîmî beno. Têkoşînê xo yê 20 serran de keda pîle dano û fedakrîya girde keno. Ma do nê têkoşînî bi serkewtişî tacîdar bikerê.”
Nasnameyê hemrayanê ma yê şehîdan wina yê:
 |
Nameyê Qodî: Zinar Sîpan
Name û Peyname: Burhanettin Yagmur Cayê Bîyayîşî: Bedlîs Maye-Pî: Elfesiyahe – Osman Tarîx û Cayê Şehadetî: 22ê Adara 2018î / Qendîl |
 |
Nameyê Qodî: Şahîn Gever
Name û Peyname: Kemal Turgut Cayê Bîyayîşî: Colemêrg Maye-Pî: Zeliha – Abdullah Tarîx û Cayê Şehadetî: 22ê Adara 2018î / Qendîl |
