Navenda Ragihandin û Çapemeniyê ya HPG’ê têkildarî 3 gerîlayên li Amedê şehîd bûn daxuyaniyek da. Daxuyanî bi vî rengî ye:
26’ê tebaxa 2023’yan li navçeya Farqînê ya Amedê di êrîşa dijmin de ji milîtanên pêşeng ên partiya me hevrêyên me Dilgeş, Berxwedan û Mervan şehîd bûn. Nûnerê îradebûna Apoyî hevrêyên me Dilgeş, Berxwedan û Mervan ku li dijî êrîşa dijmin bi fedaîtî şer kirin, ji Zapê heta Mêrdînê, ji Xerzanê heta Amedê ruhê berxwedanê yê Apoyî heta nefesa xwe ya dawî temsîl kirin.”
Hevrêyê me Dilgeş ku navê fermandariya li ser xeta fedaîtî, afirînerî, zanebûn û xwestekê bû, di jiyana xwe ya gerîlatiyê ya 13 salan de ku bi serkeftina dagirtî bû, bû milîtanek ku her tim cudahî afirand. Li her qadê bi coş û moral tevlî kar bû, mohra xwe danî binê serkeftinan, têkoşîneke bêhempa meşand ku ji hevrêyên xwe re bû milîtanekî pêşeng.
Hevrêyê me Berxwedan li ser bingeha dilsoziya bi xeta şehîdan re tevlî nava refên gerîla bû, bû mînakeke bijarte ji hêjabûna li şehîdên pîroz. Hevrêyê me Berxwedan li her qada têkoşînê ev sekn nîşan da û bû yek ji milîtanên pêşeng ên partiya me PKK’ê ku partiya Rêber Apo û şehîdan e.
Ewladê leheng ê Serhedê milîtanê wezîfeyên zehmet hevrêyê me Mervan ji destpêka jiyana xwe ya gerîlatiyê ve her wezîfe û berpirsyarî bi cidiyeteke mezin bi ser xist û bû yek ji milîtanên mînak ên partiya me. Meşa xwe ya şoreşê ku ji Wanê destpê kir, di her kêliyê de bi serkeftinan derbas kir. Armanca xwe ya herî mezin jî ew bû ku li Amedê gerîlatiyê bike û ev yek pêk anî.
Hevrêyên me Dilgeş, Berxwedan û Mervan ku ruhê berxwedanê yê Apoyî bi rengekî hêja temsîl kirin, em di serî de ji malbatên hêja yên hevrêyên xwe, ji gelê xwe yê Kurdistanê yê welatparêz re sersaxiyê dixwazin. Em soz didin ku têkoşîna hevrêyên me ji me re hiştine, bi rengekî hêjayî bîranîna wan be bi ser bixînin.
Agahiyên li ser nasnameya hevrêyên me yên şehîd bûne bi vî rengî ne:
 |
Nasnav: Dilgeş Zîlan Gûzereş Nav paşnav: Ferhat Akdenîz Cihê jidayikbûnê: Colemêrg Dayik-Bav: Meryem-Omer Dem û cihê şehadetê: 26’ê Tebaxa 2023 / Amed |
 |
Nasnav: Berxwedan Farqîn Nav paşnav: Hanîfî Saygi Cihê jidayikbûnê: Amed Dayik-Bav: Fatma-Cemîl Dem û cihê şehadetê: 26’ê Tebaxa 2023 / Amed |
 |
Nasnav: Mervan Wan Nav paşnav: Mûhterem Koç Cihê jidayikbûnê: Wan Dayik-Bav: Siyanal-Ahmet Dem û cihê şehadetê: 26’ê Tebaxa 2023 / Amed |
