Merkezê Îrtîbatî û Çapemenîye yê HPGyî bi eşkerayîyêke derheqê hêrişanê artêşa tirke ya îşxalkere de agahîyî dayî. Eşkerayîyede HPGyî da zanayene ke cayê ke hêzê Iraqî xîret kenê debikewê ci cayê pêkewtişanê giranan ê û hêzê Iraqî hişyar kerdî.
Eşkerayîye wina ya:
”Hêrişê bi dronanê teqaberan û qedexeyan
22yê sibate de Warê Xoverdayîşî yê Girê Cûdîyî yê Herêma Şehîd Delîlî ya Rojawanê Zapî de mewzîyê ma hîrê reyî dîyayî bombayan ver.
Hêrişê bînî
Artêşa îşxalkere mabênê 21-25ê sibate de warê Deşta Kafya, Neqeba Xêrê, Girê Zengil, Girê Reşît, Sêdarî yê Garê; warê Girê Cûdî, Girê Amediyê, Girê Biharî yê Herêma Şehîd Delîlî ya Rojawanê Zapî; warê Sinînê, Xinêrêya Jor, Ava Lolanê, Kolîtî yê Xakurkê; warê Şehîd Îbrahînî yê Zapî; warê Serê Metîna yê Metîna 41 reyî dayî bombayan ver.
HPGyî hêzê Iraqî hişyar kerdî
Rojanê peyênan de hêzê Irarî herêmanê Zap û Avaşînî yê Herêmanê Pawitişî yê Medya de binê nameyê ”Hêzanê Sînorî” yenê cayanê pêkewtişanê giranan. Nê cayî sînoranê dewleta tirke û Iraqî ra bi kîlometreyan dûrî de yê, xetê zereyî yê Başûrî yê û nînan de mabênê gerîlayan û artêşa tirke ya îşxalkere de şerêko giran qewimîyeno. Ma dûştê ci nîyê ke hêzê artêşa Iraqî sînoran bipawê. La cayê ke ê yenê ci xetê sînorî nîyê. Wina fam beno ke kayêk hetê tay hêzan ra yeno kaykerdene. Ma venga hêzanê Iraqî danê ke goreyê na raştî û ferasetê şerê herême têbigêrê.” BEHDÎNAN
