Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya: “Xoverdayîşê tarîxî yê gerîlayan planê îşxalî yê dewleta tirke pûç kerdî. Dewleta tirke seba ke biresa armancê xo bi hawayêkê sîstematîkî çekanê kîmyewîyan û bombayanê qedexekerdeyan şuxilnena. Rixmo ke nê sûcê ci ameyî belgekerdene û rojdemkerdene hêzê mîyanneteweyî bêveng ê û na bêvengîya paştî û hêz dana dewleta tirke. Artêşa tirke ya îşxalkere 20ê teşrîna peyêne ra nata 6 reyî pê bombayanê qedexekerdeyan û 11 reyî zî pê çekanê kîmyewîyan mewzîyê şerî dayî bombayan ver. Çalakîyanê hêzanê ma de zî 5 îşxalkerî ameyî cezakerdene.
Detayê çalakîyan wina yê
Çarçewa Hemleya Şorişgêre ya Bazanê Zagrosî de herêma Zapî de 20ê teşrîna peyêne de Warê Xoverdayîşî yê Şehîd Adilî yê Çemçoyî de 3 îşxalkerî hetê hêzanê ma ra ameyî cezakerdene. 20ê teşrîna peyêne de Warê Xoverdayîşî yê Sîda de îşxalkerî ameyî derbkerdene. 20ê teşrîna peyêne de Warê Xoverdayîşî yê Çemçoyî de hêzanê YJA-Starî yew îşxalker ceza kerd.
Çarçewa Hemleya Şorişgêre ya Şehîd Savaş Maraşî ya Cengê Xabûrî de 20ê teşrîna peyêne de Warê Xoverdayîşî yê Girê Cûdî de 1 îşxalker ame cezakerdene. 20ê teşrîna peyêne de Warê Xoverdayîşî yê Girê Cûdîyî de skorskyêk ame hedefkerdene û pirodayîşê hêzanê ma ra dima skorsky warî ra rema.
Hêrişê ke artêşa îşxalkere pê çekanê kîmyewîyan û bombayanê qedexekerdeyan kerdê
20ê teşrîna peyêne de mewzîyê şehîd Çekdarî yê Girê Cûdî, mewzîyê Şehîd Serxwebûnî yê Çemçoyî, mewzîyê Şehîd Felatî yê Sîda dîyayî bombayan ver.
Hêrişê bînî yê artêşa îşxalkere
20ê teşrîna peyêne de Warê Xoverdayîşî yê Saca, Çemço, Girê FMyî, Kurojahro, Girê Amediyê û Girê Cûdîyî, warê Goşinê yê Xakurkê dîyayî bombayan ver. 20ê teşrîna peyêne de zî îşxalkeran xîret kerd ke mewzîyanê Şehîd Serxwebûnî pê kepçeyan birijnê.” BEHDÎNAN
