Navenda Ragihandin û Çapemeniyê ya HPG’ê derbarê çalakiyên gerîlayan û êrîşên dagirker daxuyaniyeke nivîskî weşand.
Di daxuyaniyê de ev tişt hate diyarkirin:
“Di çarçoveya Pêngava Şoreşger a Bazên Zagrosê de li Avaşînê;
Di 20’ê hezîranê de saet di 09.30’an de li Qada Kîlîse ya Avaşînê dema dagirker hatine ba hev, li wan hate xistin. Li vir 3 dagirker hatin cezakirin û dagirkerek jî birîndar bû. Di heman demê de kamerayeke mobesse û dûrbîneke teleskop jî hate îmhakirin.
Di 20’ê hezîranê de saet di 16.30’an de li berpalên Çarçella ya Avaşînê bi çekên giran li 3 kepçe û wesayîteke hate xistin. Kepçe û wesayîtê dixwest ji bo dagirkeriyê rêya leşkerî çêbike. Derbeke xurt li kepçeyekê hate xistin û xebata çêkirina rêyan hate sekinandin.
Li Avaşîn û Metînayê helîkopter geriyane û ev qad hatine bomberdûmankirin.
Di 19 û 20’ê hezîranê de tunelên şer ên li qada Werxelê ya Avaşînê bi teqemenî û helîkopterên êrîşê hatine bomberdûmankirin.
Di 20’ê hezîranê de saet di navbera 21.30 û 00.00’an de li ser xeta Qaşûra ya Metînayê helîkopter geriyane.
Di 20’ê hezîranê de saet di navbera 21.00 û 23.00’an de dagirkeran hêzên xwe yên li qadên Mervanos û Banista ya Avaşînê bi helîkopteran guherandine.
Di 21’ê hezîranê de saet di 03.00 û 03.30’an de balafirên şer 4 caran qada Girê Sor a Avaşînê bomberdûman kirine.
Di van bomberdûmanan de tiştek bi hêzên me nehatiye.” BEHDÎNAN
