HPG’ê bi daxuyaniyekê ragihand ku hêzên wan di çarçoveya Pêngava Cenga Heftanînê de ji sê baskan ve li helîkopterên dewleta tirk ên ku dixwestin leşkeran deynin ser girên Heftanînê xistine. HPG’ê da zanîn ku di çalakiyê de helîkoptera Skorsky derb xwar û neçar ma ku ji herêmê vekişe
Navenda Ragihandin û Çapemeniyê ya HPG’ê encamên çalakiyên di çarçoveya Pêngava Cenga Heftanînê de hatine lidarxistin, daxuyaniyeke nivîskî weşand. Di daxuyaniyê de HPG’ê da zanîn ku hêzên artêşa tirk di 14’ê îlonê saet di navbera 01:00 û 03:00’an de girên Şehîd Şêxmûs, Şehîd Berîvan û Şehît Kemal ên li herêma Şehîd Kendal ên herêma Heftanîn a Herêmên Parastinê yên Medyayê, bi helîkotperan bombe kir û xwestin leşkeran danîn.
HPG’ê diyar kir ku hêzên wan di çarçoveya Pêngava Cenga Heftanînê de helîkoptera Skorsky ku xwest leşkeran dane ser gir hedef girt û ji sê baskan ve lê xist. HPG’ê ragihand ku di çalakiyê de helîkoptera Skorsky derb xwar û beriya ku leşkeran dane, ji herêmê vekişiya. HPG’ê destnîşan kir ku ji ber bombebarana helîkopteran li herêmê şewat derket.
2 gerîlayan jiyana xwe ji dest dan
HPG’ê her wiha ragihand ku di encama êrîşên hewayî yên di 12’ê îlonê li dijî Girê Partîzan ê herêma Heftaninê de, 2 gerîlayên wan jiyana xwe ji dest dane. Li gorî daxuyaniyê, nasnameyên gerîlayan wiha ne: “Bîşeng Tokak (Baharîn Cûdî) li Silopiya ya Şirnexê ji dayik bû. Di 12’ê îlona sala 2019’an de li Heftanînê şehîd bû. Bulent Efeogullari (Ronî Pinar) li Erziromê ji dayik bû. Di 12’ê îlona sala 2019’an de li Heftanînê şehîd bû.” BEHDÎNAN
