HPG’ê bi daxuyaniyekê ragihand ku hêzên wan li Îdirê derbeke giran li artêşa tirk xistiye û di encamê de fermandareke dewleta tirk hatiye kuştin
Navenda Ragihandin û Çapemeniyê ya Hêzên Paratina Gel (HPG) bi daxuyaniyekê têkildarî çalakiya hêzên wan a li Îdirê li dijî yekîneya leşkerî ya li Qereqola Axûriyê û bombebarana artêşa tirk a li Heftanînê agahî dan.
Di daxuyaniyê de navenda ragihandinê da zanîn ku hêzên wan di 14’ê sibatê saet di 11.00’an de di çarçoveya Pêngava Serfiraziya Şoreşgerî ya li Eyaleta Serhedê de li dijî yekîneyeke leşkerên tirk ên di navbera Qereqola Axûrî û kûleyekê de çeper çêdikirin, çalakî pêk anîne. HPG’ê da zanîn ku di encama çalakiyê de fermandarê yekîneyê hatiye kuştin û hêzên wan jî bêyî ku zirar bigihijê, gihaştine cihên xwe.
Bombebarana li Heftanînê
HPG’ê ragihand ku hêzên artêşa tirk di 13’ê sibatê saet di 18.30’an de bi balefirên şer êrîşî qada Qesrokê ya Heftanînê ya Herêmên Parastinê yên Medyayê kiriye. HPG’ê daxuyand ku di êrîşî de tu zirar negihiştiye hêzên wan. ÎDIR
