Gerîlayên HPG û YJA-Starê 4’ê çileyê li Xakûrkê li dijî leşkerên tirk çalakî lidar xistin û di encamê de 6 leşker hatin kuştin
Navenda Ragihandin û Çapemeniyê ya HPG’ê têkildarî çalakiyên gerîla yên li dijî dagirkeriyê û êrîşên hewayî yên dewleta tirk daxuyaniyek nivîskî weşand.
HPG’ê ragihand k udi çarçoveya Pêngava Şoreşgerî ya Şehîd Ronya û Şehîd Bager de hêzên wan di 4’ê çileyê de li Herêma Xakurkê ya Herêmên Parastinê yên Medyayê li dijî artêşa tirk a li ser Girê Şehîd Axîn çalakiyek pêk anîne û ev agahî parve kir: “2 çeperên dijmin ên li ser gir hatin rûxandin û bi qasî ku hate tespîtkirin 6 leşkerên dijmin hatin kuştin. Balafirên şer ên artêşa TC a dagirker piştî çalakiyê bombe li herêmê barandin. Yekîneya me ya çalakî pêk anî bi rengekî serketî li baregehên xwe vegeriya.
Her wiha di 4’ê çileyê de balafirên şer ên artêşa TC a dagirker bombe li qada Kûnişka ya herêma Zapê ya Herêmên Parastinê yên Medyayê barandin. Ji ber bombardûmanê tiştek bi hêzên me nehat.” BEHDÎNAN
