Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:
“18 teşrîna peyêne ya 2022î de dewa Leylegî ya qezaya Gimgimî ya Mûşî de mabênê artêşa tirke û hêzanê gerîlayan de pêkewtişê giranî qewimîyayî. Nê pêkewtişan de 7 îşxalkerî ameyî cezakerdene. Pêkewtişan de hemrayê ma Asoyo ke bi hewayêkê qehremankî şi dişmenî ser tewrê kerwanê şehîdan bi û hemrayêkê ma zî esîr kewt destê dişmenî. Ma sere de keyeyê ercîyayeyî yê hemrayê xo Şehîd Asoyî rê, heme şarê welatperwerî yê Kurdistanî rê serweşîye wazenê û soz danê ke ma do waştişê şehîdan Rayberîyo Azad û Kurdistanê Azadî bîyarî ca.
Nasnameyê hemrayê ma yê şehîdî wina yo:
Nameyê Qodî: Aso Ferzad
Name û Peyname: Seyîd Perendegel
Cayê Bîyayîşî: Rewanser
Maye-Pî: Tuba – Ali Muhammed
Tarîx û Cayê Şehadetî: 18ê Teşrîna Peyêna 2022î /Mûş
Hemrayê ma Aso Rewanserê Kirmanşanî yê Rojhelatê Kurdistanî de yeno dinya û bi kulturê welatperwerîye beno pîl. Hemrayê ma Aso semedê pawitişê erd û şarê Kurdistanî 2012î de verê xo dano koyanê Kurdistanî. Hemrayê Asoyo ke Qendîl de dest pê gerîlatîye keno, xeylêk waranê Herêmanê Pawitişî yê Medya de gerîlatîye rayra beno. Heme wezîfeyanê xo bi sekewtişî ano ca. Bado ke perwerdeyê xo bi serekwtişî qedîneno sey fermandarêkê serkewteyî verê xo dano Vakurê Kurdistanî û şerê vera artêşa tirke de derbanê girdan dano îşxalkeran ro. Hemrayê ma Aso bi îredeyê xurtî beyraqa cuya bianore û têkoşînî ya ke Qazî Muhammed û Qasimloyan ra girwete, bi layikê ci kirişişte teslîmê ma hemrayanê xo kerd.
4ê kanûnê de Warê Xoverdayîşî yê Çemçoyî de îşxalker pê çekanê giranan ameyî pirodayene, 2 îşxalkerî ameyî cezakerdene. Eynî roje Warê Xoverdayîşî yê Cûdîyî de îşxalkerî ameyî derbkerdene.
Artêşa tirke ya îşxalkere 4ê kanûne de mewzîyê şerî yê Şehîd Botanî yê Warê Xoverdayîşî yê Çemçoyî bi bombayanê qedexeyan dayî bombayan ver. Reyna Warê Xoverdayîşî yê Girê Cûdî, Saca, Şehîd Fedakar, Kurojahro, Girê Amediyê, Çemço, Sîda, Girê Fmyî û warê Şehîde Bêrîtane yê Xakurkê pê teyarayanê şerî, helîkopteranê hêrişî, obus, tanq û çekanê giranan ameyî pirodayene.” BEHDÎNAN
