Merkezê Îrtîbatî û Çapemenîye yê HPGyî bi eşkerayîyêke da zanayene ke 16ê kanûna 2022yî de hêrişê hewayî yê vera Zapî de gerîlayê înan Aram Sîrvan şehîd bîyo û o bi rêzî yad kerd.
Eşkerayîye wina ya:
”16ê kanûna 2022yî de hêrişê hewayî yê artêşa tirke ya îşxalkere de Zap de embazê ma Aram Sîvran şehîd bi. Embaz Aramo ke şaristanê Sine yê Rojhelatê Kurdîstanî ra bi, pê hişmendîya neteweyî tewrê PKKyî bi. Embaz Aramî vera polîtîkaya cîyakerdişê parçeyanê Kurdîstanî ya dewleta tirke waranê bînan ê Kurdîstanî de têkoşînê azadîye kerd.
Keyeyê ey o ke ewladêko ercîyaye yo winayen weye kerdo û dayo têkoşînê azadîye ma sere de ci rê, şarê welatperwerî yê Sine û Kurdîstanî rê serweşîye wazenê.
Nasnameyê embazê ma yê şehîdî wina yo:
 |
Nameyê Qodî: Aram Sîrvan
Name û Peyname: Mîhrîdad Rahimyan Cayê Bîyayîşî: Sine Maye-Pî: Şehnaze– Nasir Tarîx û Cayê Şehadetî: 16ê Kanûna 2022yî / Zap |
Embaz Aram şaristanê Sine yê Rojhelatê Kurdîstanî de dadîya xo ra beno. Embaz Aram wextêk Tehran de maneno la dima ke uca ra agêreno keweno peyê cigêrayîşan. Netîceya nê cigêrayîşan û şehadetê embaze Sara (Sakîne Cansiz) ra dima o PKKyî şinasneno. Embaz Aram bi nê hawayî tewrê xebetanê ciwanan beno û 2015 de zî verê xo dano koyan, beno gerîla.
Embaz Aram bi perwerdeyan xo aver beno. Embaz Aram hetê Şehîd Kasim Engîn û Şehîd Helmetî de maneno û tecrubeyanê înan ra îstîfade keno. Embaz Aram bi qerardarî û îdîa beno milîtanêko xurt û serkêşîya şerî keno. O dima derbazê Avaşînî beno û tîya de xeylêk çalakîyanê serkewteyan de cagêno. Embaz Aram nê serkewtişan ra dima 2019 de Hêzanê Taybetan de cagêno.
Embaz Aram dima herêma Zapî de tewrê şerî beno û mewzîyanê xoverdayîş de xo ver dano. Embaz Aram pê tewirê xo hêz û moralî dano embazanê xo û bêteredut şino serê dişmenî. Şehadetê embaz Aramî do bibo sebebê pîlkerdişê têkoşînê ma.” BEHDÎNAN
