Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:
“Herêma Serhedî;
3ê teşrîna verêne de herêma Tendurekî de wesayîto zirxin o bi tîpê ejderî gama ke ver bi qereqolê Onurtepeyî şîyênî ame hedefgirewtene û pirodayene. Wesayîto zirxino ke bi çekanê ferdî û otomatîkan ame pirodayene, tede 6 îşxalkerî ameyî cezakerdene û wesayît ame îmhakerdene.
Herêma Zapî;
1ê teşrîna peyêne de saetanê nêmroje de Warê Xoverdayîşî yê Şehîd Îbrahîmî de 2 droneyî hewa de ameyî pirodayene û îmhakerdene.
Herêma Metîna;
1ê teşrîna peyêne de saetanê cemê şanî de Warê Xoverdayîşî yê Girê Çarçelî de îşxalkerî bi çekanê giranan ameyî pirodayene. 3ê teşrîna peyêne de Warê Xoverdayî yê Girê Ortê de îşxalkerî bi çekanê giranan ameyî pirodayene.
Herêma Xakurkê;
2ê teşrîna peyêne de Warê Xoverdayîşî yê Şehîd Kamuranî de bi çekanê giranan ameyî pirodayene, mewzîyêke ameye derbkerdene. Na Çalakîye hetê hêzanê ma yê YJA Starî ra ameye kerdene. 3ê teşrîna peyêne de eynî warî de helîkopterê ke waşt herême de leşkeran rono, ci rê mudaxale ame kerdene.
Şuxulnayîşê çekanê qedexeyan;
1 û 2yê teşrîna peyêne de Warê Xoverdayîşî yê Sîda yê Zapî,Warê Xoverdayîşî yê Girê Ortê û Girê Çarçelî yê Metîna bi teqaberanê qedexeyan, gazanê kîmyewîyan û droneyanê teqaber barkerdeyan dîyayî bombayan ver.
Bombardumanî;
2 û 3yê teşrîya peyêne de Warê Xoverdayîşî yê Şehîd Îbrahîmî yê Zapî, warê Girê Zengîlî yê Garê, warê Gundê Dergelê û Golka yê Metîna, Ava Lolanê yê herêma Xakurkê bi teyarayanê şerî dîyayî bombayan ver. Reyna herêmê Zap, Metîna û Xakurkê bi topan dîyayî bombayan ver.”
