Gerîlayên HPG’ê li dijî leşkerên tirk ên li herêma Sîdekanê ya başûrê Kurdistanê çalakiyeke xurt pêk anîn. Di encamê de kuştî û birîndarên leşkeran çêbûn. Balafirên şer ên artêşa tirk jî herêma Garê bombebaran kirin
Navenda Ragihandin û Çapemeniyê ya HPG’ê li ser çalakiyên gerîla û bombebarana balafirên şer daxuyaniyek da. Di daxuyaniyê de HPG’ê ev tişt ragihand: “2’yê sibatê saet di 14’an de hêzên me li herêma Sîdekan a başûrê Kurdistanê li dijî artêşa TC a dagirker a li qada Elî Dirêj çalakiyek pêk anîn. Derbên giran li çeper, kon û konteynirên leşkerên dijmin hatin xistin. Di encamê de konek hat îmhakirin, derb li konteynirekê hat xistin. Di çalakiyê de gelek kuştî û birîndarên leşkeran çêbûn. Artêşa TC’ê ya dagirker piştî çalakiyê bi obus û hawanan bombe li derdorê barandin. 3’yê sibatê (îro) saet di 06.30’yî de balafirên şer ên artêşa TC’ê ya dagirker bombe li qada Deşta Kafya ya herêma Garê ya Herêmên Parastinê yên Medyayê barandin.” BEHDÎNAN
