HPG’ê nasnameya 3 gerîlayên di operasyona şoreşgerî de şehîd bûn aşkera kir û got, “Em soza xwe dubare dikin, ku xwedî li mîrateya têkoşînê ya hevrêyên xwe Adar, Heqî û Eylem derkevin û têkoşînê teqez bi ser bixînin.”
Di daxuyaniya Navenda Ragihandin û Çapemeniyê ya HPG’ê de wiha hate gotin:”Di daxuyaniya xwe ya 27’ê Mijdara 2022’an de me ragihandibû ku di 25’ê Mijdara 2022’yan de li Qadên Berxwedanê yên Girê Cûdî û Girê FM’ê di operasyonên şoreşgerî de derbên giran li artêşa tirk a dagirker hatiye xistin, 19 dagirker hatine cezakirin û hevrêyên me Adar, Heqî û Eylem ên di operasyonên şoreşgerî de bi fedaîtî bi ser dijmin ve çûn heta nefesa xwe ya dawî şer kirin û şehîd bûn.
Van hevrêyên me yên hêja, ku ji mînakên herî bijarte yên milîtaniya fedaî ya Apoyî ne, taktîkên gerîlatiya serdema nû bi hostatî bi kar anîn û derbeke dîrokî li artêşa Tirk a dagirker xistin. Piştî pêvajoyeke amadekariyê ya bi israr, îrade û bi daxwaz, taktîka tîmên bi tevger di çalakiyê de bi serketî bi cih anîn û nîşan dan ku gerîla di her şert û mercî de wê têkoşînê dewam bike û azadiya gelê me misoger bike. Hevrêyên me Adar, Heqî û Eylem ku milîtanên mînak ên artêşa fedaî ya Apoyî bûn, di şer û jiyanê de bi ruhê fedaî meşiyan. Em soza xwe dubare dikin ku xwedî li mîrateya wan a têkoşînê derkevin û têkoşînê teqez bi ser bixînin.
Agahiyên li ser nasnameya hevrêyên me yên şehîd bûne wiha ne:
 |
Nasnav: Adar Argeş Nav paşnav: Vesîle Arvîş Cihê jidayikbûnê: Bazîd Dayik-Bav: Gulîzar-Mûstafa Dem û cihê şehadetê: 25’ê Mijdara 2022 / Zap |
 |
Nasnav: Heqî Karasûngûr Nav paşnav: Omer Açan Cihê jidayikbûnê: Çewlîg Dayik-Bav: Zahîde-Îlhamî Dem û cihê şehadetê: 25’ê Mijdara 2022 Zap |
 |
Nasnav: Eylem Esrîn Memyan Nav paşnav: Nûpelda Polat Cihê jidayikbûnê: Amed Dayik-Bav: Necîbe-Selahattîn Dem û cihê şehadetê: 25’ê Mijdara 2022 / Zap |
