HPG’ê bi daxuyaniyekê ragihand ku hêzên artêşa tirk li geliyê Ermûşê yê herêma Xakurkê dest bi operasyonê kiriye. HPG’ê da zanîn ku di navbera hêzên wan û artêşa tirk li çend deveran şer derketiye
Navenda Ragihandin û Çapemeniyê ya HPG’ê der barê êrîşên dagirkeriyê yên dewleta tirk û şer de daxuyaniyek bi raya giştî re parve kir.
HPG’ê diyar kir ku hêzên artêşa tirk a dagirker di 25’ê mijdarê de li geliyê Ermûşê ya herêma Xakurkê ya Herêmên Parastinê yên Medyayê dest bi operasyona dagirkeriyê kiriye û ev agahî dan: “Di vê operasyonê de di navbera hêzên me û dagirkeran de li hin deveran şer qewimî. Di êvara heman rojê de balafirên şer û helîkopterên qada operasyonê bombebaran kir. Der barê encamên şer û bombebaranê de dema agahî hatin zelalkirin em ê bi raya giştî re parve bikin.”
Bi domdarî jî HPG’ê ev tişt destnîşan kirin: “Di 26’ê mijdarê de balafirên şer ên artêşa TC a dagirker êrîşî Herêmên Parastinê yên Medyayê kirin. Di vê çarçoveyê de saet di 09:30’an de Qada Saca ya herêma Zê û saet di 12.30’an de jî Qada Çemço û Karker bombebaran kirin. Di navbera saet 16:30 û 18:00’an de jî balafirên şer bombe li geliyê Suredê yê Herêma Qendîlê barandin.” BEHDÎNAN
