Merkezê Îrtîbatî û Çapemeyî yê HPGyî bîlançoya şerî ya aşma sibate eşkera kerde.
Eşkerayîye de wina ame vatene:
“Gerîlayê Azadîye yê Kurdîstanî ke hêzê rayber ê têkoşînê şarê ma yê mezlûman ê, nê şert û mercanê zimistanî yê giranan de zî herra ma ya pîroze pawenê. Hêzanê ma yê ke xeta Modernîteya Demokratîke de xo newe ra afiranyî, hewteyê yewin ê aşma sibate de bi taktîkanê dewlemendan derbeyêko giran da artêşa tirke ya îşxalkere ro.
Îradeyê sîyasî ê şorişê ma û yê şarê ma KCKyî, erdlerzî 6ê sibate ra dima seba paştîdayîş û hetkarîya şarê ma veng da û qerar da ke çalakîyanê xo yê aktîfan bido vindarneyene.
Hêzê ma û têkoşînê ma yê ke goreyê exlax û merdimîye awan bîyê, nê demê hasasî de berpirsyarîya xo bi cîdîyet ard bi ca. La belê artêşa dewleta tirke ya îşxalkere, roja ke ma eşkera kerd ke ma çalakîya xo vindarnayê, hêrîşê xo ma ser o hîna giran kerdî. Herêmê Pawitişî yê Medya bi hezaran rey bi teyerayanê şerî, helîkopteranê hêrîşî, tanq, top û bi obusan ameyî bomdardumankerdene. Nê zî qîm nêkerd, artêşa tirke mewzîyê xoverdayîşî yê gerîlayan bi çekanê kîmyasalan, bi bombeyanê qedexeyan bomba kerdî. Bi taybetî nê rojanê peyênan de bi bombayanê fosforî êrîşê mewzîyanê xoverdayîşî yê Zapî kena. 9ê sibate 2023î de Herêma Zapî ra hemrayê ma Mazlûm Dêrwêşî şehîd bî.
Rejîmê AKP-MHPyî herinda ke bi heme îmkananê xo hetkarîya şarê Tirkîya bikera û birînanê înan bipêşa, seba dewamîya îqtîdarîya xo nê îmkanî kerd rant. Seba şerî seferber bî û Zapî ra sucê şer û merdimîye kerdî. Rejîmê AKP-MHPyî seba ke kurdan qir bikero, heme çimeyê xo seba şerî xerc kerdî û şarê Tirkîya mehkûmê çinbîyayîşî kerd. Nê erdlerzî de ame famkerdene ke no rejîm dişmenê şarê Tirkîya yo, dişmenê heme şaran o.
Hêzanê ma yê ke bi vendayîşê têgêrayîşê ma, çalakîyê xo vindarnaybî, seba ke bieşkîyê vera hêrîşan xo bipawê, 47 rey cewabê hêrîşan da. 18 îşxalkerî dayî cezakerdene û îşxalkerêk zî birîndar kerd. Têkoşînê ma yo ke bi fedakarîya şarê ma yê mazlûm û bi keda girde yê şehîdanê ma resa nê daraxî, do biwaştiş û biqerar dewam bikero. Hêzanê ma yê gerîlayan berpirsyarîya xo ya nê prosesî ard bi ca, la do vera hêrîşanê qirkerdişî do bieşkîyê cewab bidê û xo bipawê.
Bîlançoya Şerî
Bîlançoya şerî ya mabênê 1ê sibate û 28ê sibate wina ya:
Hêrîşê ke hetê artêşa tirke ra ameyê kerdene;
– Qaso ke hêzanê ma tespît kerd, sere de Waranê Xoverdayîşî, Herêmanê Pawitîşî yê Meyda 30 rey bi teyarayanê şerî û 18 rey zî bi helîkopteranê hêrîşî ameyê bombakerdene û sewbîna 874 rey bi obus, hawan, tank û bi çekanê giranê ameyê bombakerdene.
– Mewzîyê Xoverdayîşî yê Gerîlayan 142 rey bi topanê fosforî, bi bombayanê qedexeyan û çekanê kîmyasalan ameyê bombakerdene.
Hacetê eskerî ke hetê hezanê ma ra ameyê îmhakerdene;
– 4 Mewzîyî
– 5 Sîstemê Kamera yê Mobesseyî
– Çekêka A4î
– Çekêka B7
– Çekêka Bombaeştoxî
– Cîhazêkç Jammerî
Wesayîtê eskerî ke hêzanê ma derb daya piro;
– Helîkopterêka hêrîşî
