Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya aşma sibate eşkera kerde.
Eşkerayîya HPGyî de nê ameyî parekerdene:
” Têkoşîno destankî yo ke Gerîlayê Azadîye yê Kurdîstanî bi ruhê Apoyî rayra benê aşma sibate de zî bêmabên dewam kerd. Komployê 15ê Sibate yo ke seba kurdan sey ‘Roja Tarî’ yeno zanayene na aşme de qewimîya. Aşma sibate de vera komployî têkoşîn ame xurtkerdene. Gerîlayanê Azadîye yê Kurdîstanî zî bi xo averberdiş û xurtkerdişê têkoşînî na aşme pêşwazî kerd. Gerîlayan xorexnekerdişê kêmîya hemrayîya vera Rayberîya ma bi westabîyayîşê gerîlatîya serkewtişî û serkewtişanê pîlan pratîk de dayîş esas girewt. Na çarçawe de bi îrade û qerardarîya girde vera komployî rixmê şertanê zehmetan ê zimistanî kerd ke wayîrê berpirsîyarîyanê xo bivejîyê.
Gerîlayan operasyonê şorişgêrê ke prosesê peyênî de kenê, înan ra yew zî aşma sibate de kerd. Gerîlayê ke game bi game terzê xo xorî kerdo, taktîk de bîyî westa bi îlhamo ke îdeolojîya Apoyî ra girewto afirnayoxîya xo ramojna û performanso gird vet werte. Gerîlayê ke bi ruhê fedayîtî yê Apoyî şinê dişmenî ser hinî bîyî yew hêz ke verê înan nîno girewtene. Merhaleya ke Gerîlayê Azadîye yê Kurdîstanî resayî ci mojneno ke sîyasetê qirkerdişî yê dewleta tirke ya qirkere û rejîmê AKP-MHPyî nêeşkeno ser bikewo. Serkewtişê gerîlayan hêvîya azadîye û bawerîya serkewtişî yê şarê ma pîlêr kerd.
Aşma sibate de pîya bi operasyonê şorişgêrî 17 çalakîyê gerîlayan ameyî kerdene.Nê operasyonê şorişgêrî û çalakîyan de yewê înan serwan 41 îşxalkerî ameyî cezakerdene û 3 îşxalkerî ameyî cezakerdene. Têkoşînê sibate de hemrayê ma Şervan Varto şehîd bi. medyaya şerê taybetî ya dewleta tirke ya ke wazenê binkewtişê dewleta tirke tirke binimno hema hema her roje bi xeberanê zûran qala şehadetê gerîlayan kena la na aşme de têna yew şehîdê ma est o. Ma do waştişê embazanê xo yê erjîyayeyî Şervan Vartoyî bîyarê ca. Ma şexsê hemrayê xo Şervanî de heme şehîdanê xo rê sozo ke ma dayo newe kenê.” BEHDÎNAN
