HPGyî keyeyê Ayaz û Nupelda rê serweşîye waşt û vist vîrî ke dewlete sey vizêrî ewro zî Dêrsimî ser o kayanê leyminan kay kena
Merkezê Çapemenî û Îrtîbatî yê HPGyî bi eşkerayîyêka nuştekîye keyeyê Ayaz û Nupelda Guloglu yê ke netîceyê teqayîşê wasitayêkê nizdê qereqolê leşkerîyî yê qezaya Pulurî ya Dêrsimî de merdîbî, rê seweşîye waşt û bale ant plananê qirkerdişî yê dewlete yê vera Dêrsimî ser.
Eşkerayîye de ca dîya nînan: “15ê temmuze de Ayaz û waya ci Nupelda Gulogluya dewa Bîlgeçî ya qezaya Pulurî ya Dêrsimî de rîyê teqayîşî ra cuya xo vînî kerde. Badê nê teqayîşî dewleta tirkî ya îşxalkare teqayîş ra ma berpirsîyar tepişt. No qewimîyayîşo ke eşkera hetê yewîyanê şerî ra ameyo plankerdene, qijî hedef ameyî girewtene. Dewleta faşîst û îşxalkare bi serren o ke şaro ke yeno nê wareyan terserneno ke herême bêmerdim bikerê.
Artêşa tirkî ya ke her cayê Kurdistanî açarnayo herême şerî bi nê hêrişan wazena ke îşxal û qirkerdişanê xo meşru bikero. Kayê wina leymin tim Dêrsim ser o yenê kaykerdene. Şarê ma ganî vera na polîtîkaya şerê taybetî hîşyar bo.
Wa dost û dişmen her kes hol bizano ke ma sey gerîlayê azadîye do hesabê heme qirkerdişanê vera Kurdistanî bipersê. Ma nê hêrişî yo ke bi zanayîş seba waştişanê xo yê leyminan ê vera şarê ma bica bîyarê ameyo viraştene, şermezar kenê û keyeyê Ayaz û Nupelda rê serweşîye wazenê.” BEHDÎNAN
